News
Լրահոս
News
Չորեքշաբթի
Հունվար 23
Տեսնել լրահոսը

Հայկական հեղափոխության ընթացքում ընդհանրապես որեւէ աշխարհաքաղաքական եւ արտաքին քաղաքականության համատեքստ չի եղել: Որեւէ աշխարհաքաղաքական  դավադրություն չի եղել: Այս մասին RT-ին տված հարցազրույցում  հայտարարել է ՀՀ վարչապետ Նիկոլ Փաշինյանը՝ պատասխանելով այն հարցին, թե արդյոք սխալվել են այն մարդիկ, որոնք  հեղափոխությունից հետո վախենում էին Ռուսաստանի եւ Հայաստանի հեռացումից:

«Այժմ այդ մասին շատ շատերն են ասում: Ռուսական մամուլում շատ հրապարակումներ կան, որոնց հեղինակները այդքան լավ չեն հասկանում ինչ է տեղի ունեցել Հայաստանում: Կան մարդիկ, որոնք ցանկանում են այդ ամենն այլ տեսանկյունից ներկայացնել: Նրանք ուզում են ներկայացնել, որ Հայաստանում իշխանության են եկել հակառուսական ուժեր», - ասել է նա՝ նշելով, որ դա զուտ ներքին, հայկական գործընթաց էր, որը Հայաստանի արտաքին քաղաքականությունում ռեւերս չէր ենթադրում:

 «Ինչու՞ ենք մենք այդպես ասում: Որովհետեւ այն ժողովուրդը, որը իրականացրել է այդ հեղափոխությունը, Հայաստանի արտաքին քաղաքականության հետ խնդիրներ չուներ: Հետեւաբար նա արտաքին քաղաքականության հետ կապված  պահանջներ չուներ: Կառավարությունում մենք ժողովրդի ներկայացուցիչներն ենք, որը հաղթել է հեղափոխության ընթացքում: Մենք պետք է գործենք այն շրջանակներում, այն բովանդակության համապատասխան, որն ուներ այդ քաղաքական գործընթացը՝ «թավշյա հեղափոխոթյունը»:

Նրանք, ովքեր ասում էին, որ Հայաստանում քաղաքական փոփոխությունների արդյունքում խնդիրներ կառաջանան Հայաստանի եւ Ռուսաստանի հարաբերությունններում, սխալվում էին: Նրանք սխալվում էին եւ կսկսեն սխալվել, եթե շարունակեն այդպես մտածել», - ասել է Նիկոլ Փաշինյանը:

Հարցին այն մասին, որ Հայաստանում ՌԴ դեսպանի հետ հանդիպումից հետո Ռուսաստանի Դաշնության հետ հարաբերություններում նոր փուլի մեկնարկի մասին հայտարարվեց եւ եթե ոչինչ չի փոխվում հարաբերություններում, ապա ինչ նոր փուլի մասին է խոսքը, Նիկոլ Փաշինյանը նորից ընդգծել է, որ խոսքն այն մասին է, որ ռեւերսներ չեն լինի:

«Ես չեմ ասել, որ ոչինչ չի փոխվում: Ես ասել եմ, որ ռեւերսներ չեն լինի: Եվ ես միշտ ասել եմ, որ մենք ավելի արդյունավետ հարաբարերություններ կունենանք, քան առաջ: Երբ ես ասում եմ նոր փուլ, ես նկատի ունեմ ավելի դրական փուլ, ավելի կառուցողական փուլ, ավելի արդյունավետ փուլ, ավելի ուղիղ փուլ, ավելի անկեղծ փուլ, ավելի հստակ փուլ: Վլադիմիր Վլադիմիրովիչի հետ հանդիպմանը մենք ընդհանրապես ոչ մի խնդրահարույց հարց չենք ունեցել: Եղել են հարցեր, որոնք տեղում են լուծվել: Մնացած հարցերը մենք պայմանավորվել ենք ավելի մանրամասն քննարկել», - ասել է նա՝ հավելելով, որ բարձր մակարդակի երկու հանդիպումների արդյունքներով կարող է ասել, որ Հայաստանի եւ Ռուսաստանի հարաբերություններում որեւէ քաղաքական խնդիր չկա:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Ռուս-հայկական հարաբերություններում խնդիրներ կան. փորձագետ
Եթե տեսանելի ապագայում բնակչության սոցիալ-տնտեսական կյանքում զգալի փոփոխություններ չլինեն, ապա դա կարող է հանգեցնել նոր հուզումների…
«Հրապարակ». Դավոսից հետո Փաշինյանը կրկին կմեկնի Մոսկվա. ԵՏՄ-ում նախագահելու իրավունքը փոխանցվում է Հայաստանին
Դավոսյան ֆորումին մասնակցելուց հետո նա հերթական անգամ մեկնելու է Մոսկվա...
«Ժամանակ». Գազի թանկացումը կատարվել է Կարեն Կարապետյանի գծած սխեմայով. մանրամասներ
Ըստ էներգետիկ փորձագետների՝ եթե գազի գինը չբաձրանար, իրական հնարավորություն կար այն իջեցնելու 15 դոլարով...
Հայաստանի տարածքից ռուսական ռազմական բազայի դուրսբերումն անթուլատրելի է. փորձագետ
Նրա խոսքով՝ չլուծված ղարաբաղյան խնդրի պայմաններում, ինչպես նաեւ հաշվի առնելով Հայաստանի դեմ Թուրքիայի տրամադրվածությունը, երկրում խաղաղությունը կարող է ապահովվել միայն ՌԴ հետ միության դեպքում...
Վալերի Սեմերիկովը շնորհավորել է Փաշինյանին ՀՀ վարչապետ նշանակվելու առթիվ
Հույս ունենք շարունակել եւ ակտիվացնել համագործակցությունը Հայաստանի Հանրապետության հետ ՀԱՊԿ ձեւաչափում...
Մեդվեդևը շնորհավորել է Փաշինյանին
Հուսով եմ, որ միասնական ջանքերով լիարժեք կբացահայտել ԵՏՄ շրջանակներում ինտեգրման ներուժը...