Ես երկրպագում եմ Հայաստանի հավաքականին, RT գործակալությանն ասել է Հայաստանի վարչապետ Նիկոլ Փաշինյանը՝ պատասխանելով այն հարցին, թե ինչպես է նա իրեն զգում ֆուտբոլի մայրաքաղաքում եւ ում է երկրպագելու:

Նա նշել է, որ իրեն շատ լավ է զգում: «Ես լինելու եմ բացման արարողությանը, վստահ եմ, որ շատ հետաքրքիր, աշխույժ, շատ հիշարժան է լինելու: Մենք եղանք Կարմիր հրապարակի համերգին, այն հրաշալի էր, շատ լավ, շատ ուժեղ տպավորություններ ստացանք», - ասել է վարչապետը՝ շնորհակալություն հայտնելով հրավերի համար:

«Ես եկրպագում եմ Հայաստանի հավաքականին, բայց քանի որ մեր թիմը, ցավոք չի մասնակցում առաջնությանը, ես բոլոր թիմերին հաջողություն եմ մաղթում», - ասել է նա:

Մոսկվայում Փաշինյանը ներկա է ֆուտբոլի աշխարհի առաջնության բացման հանդիպմանը (ֆոտո)