Այցի արդյունքներով կարող ենք փաստել, որ Ռուսաստանը մեր մրգի եւ բանջարեղենի կարիքն ունի, դա ակնհայտ դարձավ ՌԴ կատարած այցի ընթացքում։ Այդ մասին այսօր՝ հունիսի 15–ին ասաց վարչապետ Նիկոլ Փաշինյանը կառավարության նիստին՝ անդրադառնալոր իր երկօրյա աշխատանքային այցին Ռուսաստան։
Նրա խոսքով, կառավարությունն ու առընթեր մարմինները պետք է լրջորեն աշխատեն, որպեսզի կարողանան մրգի եւ բանջարեղենի ողջ ներուժը լիարժեք օգտագործել։
«Ռուսաստանի շուկան դրա կարիքը ունի, եւ ՌԴ–ում հույս ունեն, որ մենք լիարժեք կկարողանանք ապահովել մրգի եւ բանջարեղենի մատակարարումը։ Հույս ունեմ, որ օրենսդրությունում եւ Սննդի անվտանգության տեսչությունում կատարվող որոշ կառուցվածքային փոփոխություններ որեւէ նեգատիվ ազդեցություն չեն ունենա այդ գործընթացի վրա»,– նշեց վարչապետը։
