Google-ը App Maker-ի բիզնես հավելվածների արագ ստեղծման գործիքը դուրս է բերել բետայից: Այժմ դրանից կարող են օգտվել բոլոր ցանկացողները, փոխանցում է SEOnews-ը:
App Maker-ից օգտվել կարող են G Suite-ի ցանկացած տարբերակի բոլոր օգտագործողները (Business, Enterprise, ինչպես նաեւ G Suite for Education): App Maker-ի հիմնական նպատակը ոչ մասնագետներին G Suite-ում պահվող տվյալների հիման վրա օգտագործողի ինտերֆեյսի շրջանակներում տարբեր վիջեթների ներդրման միջոցով սեփական բիզնես հավելվածների ստեղծման համար հնարավորության ընձեռումն է:
App Maker-ում ստեղծված հավելվածները գործելու են Google-ի ենթակառուցվածքի հիման վրա: Օգտագործողները կարող են ինտեգրել դրանք ընկերությունների այլ ծառայությունների հետ: Նոր հավելվածների կողմից գեներացված տվյալները կարելի է պահել նոր Google Drive Tables ծառայության մեջ: Այն կառավարվող համակարգված տվյալների բազա է Google Drive-ում:
Հիշեցնենք, որ ապրիլի վերջին Google-ն անվճար հավելված է ներկայացրել, որը նախատեսված է ծրագրավորման հիմունքներն ուսումնասիրելու համար:
