2019 թ.-ի հունվարի 1-ից «Հարկային օրենսգրքի» փոփոխություններով նախատեսված է, որ շրջանառության հարկի շեմը 115 մլն դրամից կդառնա 58.35 մլն դրամ: Կառավարությունն այսօր մերժեց խորհրդարանի կողմից ներկայացված օրինագիծը, որով նախատեսվում է 115 մլն դրամը թողնել անփոփոխ։
Ֆինանսների նախարար Ատոմ Ջանջաղուզյանի խոսքով՝ Հարկային օրենսգրքում փոփոխությունների նախագիծը կբերի բյուջեի եկամուտների նվազեցման: Նախագծով սահմանվում էր, որ Հայաստանի պետական բյուջեի եկամուտները կարող են նվազել մոտ 11 մլրդ դրամով:
«Առաջարկվում է այս նախագիծը որոշակի տրամաբանությամբ և հիմնավորմամբ, սակայն մեր վերաբերմունքը հետևյալն է, որ այն իր մեջ որոշակի առումով հակադրություններ է պարունակում կառավարության ծրագրային դրույթներից մեկի հետ, դա ստվերի դեմ պայքարն է։ Նախագծի ընդունումը կարող է հակադրվել ստվերային շրջանառությունների դեմ պայքարի շրջանակներում իրականացվող քաղաքականությանը։ Նախագծի ընդունում ըկարող է ստեղծել գործունեության անհավասար պայմաններ և միջազգային փորձով չհիմնավորված տնտեսական իրավիճակ»,- ասաց նախարարը: