News
Լրահոս
News
Հինգշաբթի
Մարտ 28
Տեսնել լրահոսը

Խոշոր արտադրողները շուկայում ձուն վաճառում են ինքնարժեքից ցածր գնով, փոքր ընկերությունները դժգոհում են: Տնտեսական մրցակցության պաշտպանության պետական հանձնաժողովում այսօր կազմակերպված քննարկման ժամանակ ձվի արտադրությամբ զբաղվող փոքր եւ միջին ընկերությունների ղեկավարները նշել են, որ դրա հետեւանքով համեմատաբար փոքր ընկերությունները մեծ վնասներն են կրում՝ կանգնելով շուկայից դուրս մնալու վտանգի առաջ:

Գյումրիում գործունեություն իրականացնող «Ձեզ համար» ՍՊԸ տնօրեն Համբարձում Մաթեւոսյանի խոսքով՝ իրացման շղթայում խանութները հիմնականում ուղղակիորեն չեն համագործակցում իրենց հետ: Նրանք աշխատում են միջնորդավորված՝ վերավաճառողների միջոցով, որոնք իրենցից ձուն գնում են միջինում 25-30 դրամով, վերավաճառում են խանութներին, արդյունքում այն վերջնական սպառողին է հասնում 40-60 դրամով: «Արամուս» ՍՊԸ տնօրեն Հրայր Ասլանյանի խոսքով էլ՝ իրենց հաշվարկներով՝ ձվի ինքնարժեքն արտադրողների մոտ կազմում է 41-42 դրամ: Հետեւաբար նրանք չեն կարող վաճառել 25 դրամով, ինչը, ըստ արտադրողի, այսօր փաստացի կատարվում է:

Քննարկման մասնակիցները նաեւ ձվի մակնշման, արտադրության կամ ներկրման ծավալների սահմանափակման հարց են բարձրացրել: Առաջարկվել է, որպեսզի որոշակի ծավալներից ավելի արտադրելու կամ ներկրելու պարագայում կիրառվի ավելի բարձր հարկային շեմ, ինչը, արտադրողների կարծիքով, որոշակիորեն կկանոկարգի դաշտը:

ՏՄՊՊՀ նախագահ Արտակ Շաբոյանը խոստացել է, որ Հանձնաժողովը լայնածավալ ուսումնասիրություն կսկսի՝ ներառելով ամբողջ շղթան՝ փաստաթղթաշրջանառությունից մինչեւ գնագոյացում եւ իրացման շուկա: Եվ եթե պարզվի, որ առկա են մակնշման հետ կապված կամ, ինչպես արտադրողներն են պնդում, հարկային դաշտում խնդիրներ, ապա Հանձնաժողովը կհամագործակցի հարկային մարմնի, ինչպես նաեւ Սննդամթերքի անվտանգության պետական ծառայության հետ՝ խնդրի լիարժեք կարգավորմանը հասնելու նպատակով:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Սյունիքի, Լոռու, Կոտայքի, Գեղարքունիքի մարզերի 33 ազդակիր բնակավայրերին կհատկացվի ռոյալթիների 2 տոկոսը. Սանոսյան
2021 թվականին մեր մետաղական հանքերը բյուջե են վճարել 52 միլիարդ դրամ ռոյալթի, հիմա սա այդ 52 միլիարդի 2 տոկոսն է, և այսպես՝ ամեն տարի: Հաջորդ...
«Էդվանստ այթի տեքնոլոջիս»-ը և «Քորասոֆթ Սոլուշնս»-ը ներառվեցին «ԷԿՈՍ» ազատ տնտեսական գոտու շահագործողների ռեեստրում
«Էկոս» ազատ տնտեսական գոտում շահագործողների գործունեությունը հնարավորություն կընձեռի ներգրավել ներդրումներ, խթանել բարձր և նորարարական տեխնոլոգիաների...
Կառավարությունը սահմանեց թեմատիկ հարկային ստուգումների մեթոդաբանությունը և ռիսկայնությունը
Կառավարությունն իր այսօրվա՝ մարտի 28-ի նիստում ընդունեց որոշում, որով...
2024-ին խմելու ջրի սակագինը չի փոխվի. Կառավարությունը կսուբսիդավորի մեկ քմ-ի դիմաց 206 դրամից 5,5 դրամը
Ըստ այդմ, 2024-ի պետական բյուջեի միջոցներից Ընկերությանը կտրամադրվի սուբսիդիա...
Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ
Նշված տարբերակներից որևէ մեկով արդեն իսկ գործող կամ ակտիվ էլեկտրոնային նույնականացման և էլեկտրոնային ստորագրության առկայության դեպքում լրացուցիչ...
ՎԶԵԲ-ը Հայաստանին կտա 92,3 մլն եվրոյի բյուջետային վարկ եւ 16 մլն եվրոյի դրամաշնորհ. Հայտնի են նպատակները
Կառավարությունն իր այսօրվա՝ մարտի 28-ի նիստում  հավանություն տվեց...
Ամենաշատ