Հունիսի 15-ից հուլիսի 15-ը U!TV-ի բոլոր բաժանորդները, անկախ բաժանորդագրության փաթեթների տեսակից, հնարավորություն ունեն դիտելու Viasat ընտանիքի ամենապահանջված հեռուստաալիքները: Մասնավորապես՝ բաժանորդները կվայելեն ViP Premiere HD, ViP Comedy HD, Viasat History եւ Da Vinci Learning որակյալ եւ յուրօրինակ բովանդակությամբ ալիքների հեռուստաարտադրանքը։
55-րդ կոճակը սեղմելիս հեռուստադիտողները կմիանան Viasat History հեռուստաալիքին, որը բացահայտում է հնագույն եւ ժամանակակից քաղաքակրթության պատմությունը, դիտարկում է մեծագույն հայտնագործությունները, պատմում է տեխնիկայի եւ գիտության, սպորտի, երաժշտության, զինվորական եւ կոմերցիոն գործերի մասին:
57-րդ՝ Da Vinci Learning կրթական հեռուստաալիքը կառաջարկի բացահայտել աշխարհը եւ շարունակական կրթություն ստանալ տարբեր ուղղություններով:
Ucom ցանցում 159-րդ՝ VIP Premiere HD հեռուստաալիքը բոլոր նրանց համար է, ովքեր հետեւում են կինոաշխարհի նորություններին եւ ցանկանում են վայելել հոլիվուդյան պրեմիերաները մտերիմների շրջանում։
113-րդ՝ VIP Comedy HD ալիքն առաջարկում է առաջնակարգ կատակերգություններ։
Հավանելու դեպքում հեռուստադիտողները կարող են ավելացնել հեռուստաալիքներն իրենց հիմնական ցանկում։