Ուկրաինայում երիտասարդը բեմ է բարձրացել եւ հանվել «Բատկիվշչինայի» առաջնորդ Յուլյա Տիմոշենկոյի առջեւ, երբ նա ելույթ է ունեցել «Երկրի նոր կուրս» թեմայով համաժողովում, փոխանցում է NEWSONE-ը:
Տիմոշենկլոն խոսել է այն մասին, որ Ուկրաինան ամեն ինչ ունի հաջողված պետություն դառնալու համար: Այդ պահին բեմ է բարձրացել մի երիտասարդ եւ Տիմոշենկոյին ծաղիկներ տվել: Նա ասել է, որ նրան շատ է սիրում որպես քաղաքական գործիչ եւ վստահում է՝ հավելելով, որ Եվրոպա է ցանկանում գնալ ու հանել է շապիկը: Դրանից հետո ինքնուրույն, առանց թիկնապահների «օգնության» բեմից հեռացել է:
«Ես ձեզ շատ եմ սիրում: Ես ձեզ շատ էի հավատում: Մենք Եվրոպա ենք ցանկանում գնալ: Դրա հույսն ունեմ եւ ամեն ինչ կանեմ, որ դա այդպես լինի: Միայն ցած չգնաք: Ես ձեզ խնդրում եմ»,- ասել է նա: «Թանկագին բարեկամներ, սա հանպատրաստից էր: Սակայն եթե նման ոգեւորություն կա, սա մեր համաժողովը մի փոքր կաշխուժացնի»,- պատասխանել է Տիմոշենկոն: