Ռուսաստանի Դաշնության նախագահի մամուլի քարտուղար Դմիտրի Պեսկովը հայտարարել է, որ Կրեմլը չի բացառում 2018 թվականի ամռանը ՌԴ նախագահ Վլադիմիր Պուտինի եւ ԱՄՆ նախագահ Դոնալդ Թրամփի հանդիպման անցկացման հնարավորությունը, փոխանցում է «ՌԻԱ Նովոստի»-ն:
Ավելի վաղ Թրամփը Fox News-ի եթերում հայտնել էր, որ Պուտինի հետ հանդիպումը կարող է կայանալ ամռանը:
«Չենք բացառում»,- ասել է Պեսկովը:
Պուտինն ավելի վաղ հայտարարել էր, որ իր հանդիպումը Թրամփի հետ տեղի կունենա այն ժամանակ, երբ ամերիկյան կողմը պատրաստ կլինի դրան: ՌԴ նախագահի խոսքով՝ հանդիպման կոնկրետ վայրը չի քննարկվել, սակայն շատ երկրներ, այդ թվում՝ Ավստրիան, պատրաստ են աջակցել գագաթնաժողովի անցկացման հարցում:
