Փաստաբան Տիգրան Աթանեսյանի գրասենյակի հարձակման դեպքով հարուցված քրեական գործի նախաքննությունն ավարտվել է:
Քննչական կոմիտեից NEWS.am-ին հայտնեցին, որ գործով մեղադրանք է առաջադրվել 3 անձի: Մասնավորապես, փաստաբան Արմեն Սողոմոնյանին մեղադրանք է առաջադրվել ՀՀ Քրեական օրենսգրքի 113-րդ հոդվածի 1-ին մասով, Փաստաբանների դպրոցի տնօրեն Սիմոն Բաբայանին եւ փաստաբան Արսեն Հարությունյանին՝ Քրեական օրենսգրքի 117-րդ հոդվածով:
Ավելի վաղ NEWS.am-ին փաստաբան Տիգրան Աթանեսյանը հայտնել էր, որ 2017թ.-ի ապրիլի 27-ին իր գրասենյակում Փաստաբանական դպրոցի տնօրեն Սիմոն Բաբայանը, ՓՊ նախագահի խորհրդականներ Վրեժ Խաչիկյանը, Գեւորգ Մկրտչյանը եւ փաստաբան Արսեն Հարությունյանը հարձակում են գործել իր եւ Արմեն Սողոմոնյանի վրա։