ԱՄՆ նախագահ Դոնալդ Թրամփը Fox News-ին տված հարցազրույցում ասել է, որ ՀԴԲ-ի նախկին ղեկավար Ջեյմս Կոմին հանցագործ է, հաղորդում է «ՌԻԱ Նովոստին»:
Ըստ Թրամփի, Կոմին «հանցագործություն է կատարել»: Միեւնույն ժամանակ, նա չի պատասխանել այն հարցին, թե արդյոք ՀԴԲ-ի նախկին ղեկավարը պետք է բանտում հայտնվի: ԱՄՆ նախագահը նաեւ քննադատության է ենթարկել ԱՄՆ արդարադատության նախարարության զեկույցը` այն «սխալ եւ բացարձակապես կողմնակալ» անվանելով:
ԱՄՆ արդարադատության նախարարության զեկույցում Կոմիին քնադատվել է նրա համար, որ նա նախկին պետքարտուղար Հիլարի Քլինթոնի գործով նախընտրական քարոզչության ընթացքում հետաքննություն էր վարում: Կոմիիի գործողություններում սակայն քաղաքական կողմնակալություն չի հայտնաբերվել:
Բացի այդ Կոմին, ինչպես եւ Քլինթոնը, որի նկատմամբ նա հետաքննությունն էր վարում, ծառայողական գործերի համար մասնավոր էլեկտրոնային փոստ է օգտագործել, նշվում է զեկույցում: