Լոռու մարզում տղամարդը մեղադրվում է հոր գերեզմանաքարը վնասելու մեջ:
Ըստ մեղադրանքի՝ Արթուր Ս.-ն մայիսի 18-ին ուշ երեկոյան մուրճով դիտավորությամբ ջարդել, վնասել է հոր գերեզմանի հուշաքարը և պատերի գլխաքարերը՝ անարգանքի ենթարկելով թաղման վայրը:
Տղամարդուն մեղադրանք է առաջադրվել Քրեական օրենսգրքի 265-րդ հոդվածի 1-ին մասով (Դիակն անարգանքի ենթարկելը կամ թաղման վայրերը, մահացածներին թաղելու կամ նրանց հիշատակի հետ կապված ծիսակատարությունների համար նախատեսված գերեզմանների վրա եղած շինությունները կամ առարկաները ոչնչացնելը, վնասելը կամ պղծելը): Խափանման միջոց է ընտրվել ստորագրությունը չհեռանալու մասին:
Գործով նախաքննության ավարտ է հայտարարվել:
