Ազգային ժողովի ՀՀԿ խմբակցության պատգամավոր, գեներալ Սեյրան Սարոյանը վստահեցնում է, որ ԱԱԾ-ի կողմից գեներալ Մանվել Գրիգորյանին տանելու մեջ որեւէ վտանգ չկա:
«Ի՞նչ վտանգ, գնում ենք մի տեղ, գանք, խոսելու բան կա, հետո գալու ենք, մասնակցենք հանրահավաքին»,- լրագրողների հետ զրույցում ասաց Սեյրան Սարոյանը:
Դիտարկմանը, թե ԱԱԾ-ն առավոտից հատուկ գործողություններ է իրականացնում Էջմիածնում, Սեյրան Սարոյանն արձագանքեց. «Կուրսի չեմ, մենք էստեղ ենք եղել առավոտից»:
Նշենք, որ Մանվել Գրիգորյանին տարել են ԵԿՄ գրասենյակից: NEWS.am-ի աղբյուրներն իրավապահ համակարգում հայտնում են, որ Մանվել Գրիգորյանը բերման է ենթարկվել:
Հիշեցնենք, որ այսօր վաղ առավոտից ԱԱԾ-ն հատուկ գործողություններ է իրականացնում Էջմիածնում, այդ թվում՝ Մանվել Գրիգորյանի ամառանոցում եւ Դոն Պիպոյի առանձնատանը: Ժամեր առաջ ԱԱԾ-ն բերման է ենթարկել նաեւ քրեական հեղինակություն Դոն Պիպոյին՝ Արթուր Ասատրյանին: