ԱՄՆ-ի կողմից հնդկական պողպատի եւ ալյումինի մաքսատուրքերի բարձրացման մասին որոշմանն ի պատասխան Նյու Դելին չեղյալ է հայտարարում ամերիկյան 30 ապրանքների ներմուծման արտոնյալ սակագները: The Indian Express-ը հաղորդում է, որ Հնդկաստանն այս մասին տեղեկացրել է Առեւտրի համաշխարհային կազմակերպությանը (ԱՀԿ):
«Հնդկաստանը կցանկանար նշել, որ ամերիկյան ապրանքների մաքսային արտոնությունների չեղյալ հայտարարելուց ստացված գումարը կհամապատասխանի այն գումարին, որին հանգեցրել են ԱՄՆ-ի կիրառած միջոցառումները», - նշված է ԱՀԿ-ին ուղղված ծանուցման մեջ:
ԶԼՄ-ների տվյալներով, ներկրման մաքսատուրքերը, կբարձրացվեն ավելի քան 800 խորանարդ սմ ունեցող շարժիչներով մոտոցիկլների համար՝ 50 տոկոսով: Կբարձրացվեն նաեւ բորաթթվի, որոշ մետաղական իրերի, ոսպի եւ այլ ապրանքների մաքսատուրքերը: