News
Լրահոս
News
Շաբաթ
Փետրվար 16
Տեսնել լրահոսը

Փարիզի իշխանությունները որոշել են Էյֆելյան աշտարակը շրջապատել ապակե պատով՝ ահաբեկչություններից կոթողի հիմքը պաշտպանելու համար: Այն կփոխարինի մետաղական պատնեշը, որով Ֆրանսիայի մայրաքաղաքի խորհրդանիշը շրջապատվել էր 2016 թվականին, փոխանցում է BBC-ն:

Ինչպես հայտարարել է Փարիզի քաղաքապետի օգնական Ժան-Ֆրանսուա Մարթենսը, ապակե պատի բարձրությունը կկազմի 2,5 մետր, այն կկառուցեն տարեվերջին աշտարակի հարավային եւ հյուսիսային կողմերում: Ավտոմեքենաների կիրառմամբ ահաբեկչությունների կանխման համար ապակե պատնեշի առջեւ կտեղադրվեն նաեւ 420 խոչընդոտող բլոկներ:

Աշտարակի շուրջը արեւմուտքից եւ արեւելքից ժամանակավորի փոխարեն կտեղադրվեն մշտական մետաղական պատնեշներ, որոնք Փարիզի իշխանությունները գեղագիտական չեն համարում: Մետաղական պատնեշների բարձրությունը կկազմի 3,24 մետր՝ 100 անգամ ավելի ցածր, քան Էյֆելյան աշտարակի բարձրությունն է:

Նախատեսվում է աշխատանքի համար ծախսել մինչեւ 35 մլն եվրո: Պատնեշն արդեն սկսել են տեղադրել, սակայն ավարտելու համար եւս մի քանի ամիս կպահանջվի: Մարթենսի խոսքով՝ Փարիզում ահաբեկչական սպառնալիքը մինչեւ հիմա բարձր է մնում, իսկ Էյֆելյան աշտարակը համարվում է ահաբեկչությունների առավել հավանական թիրախներից մեկը:

Փաիզի քաղաքապետարանը համարում է, որ թափանցիկ պատերը թույլ կտան, որ Էյֆելյան աշտարակը զբոսաշրջիկների շրջանում նույնքան հանրաճանաչ մնա: Սպասվում է, որ միայն 2018 թվականին տեսարժան վայր կայցելի 7 մլն-ից ոչ պակաս մարդ:

Ներկայումս Էյֆելյան աշտարակի մուտքը սահմանափակված է հակաահաբեկչական միջոցառումների պատճառով։ Շենքը պահպահում են հատուկ ծառայությունները։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Շանահանը խոստացել է այսուհետ եւս աջակցել «ԻՊ»-ի դեմ պայքարին
Մենք պետք է ընդունենք, որ «ԻՊ»-ն այսօր փոխում է դեմքը, ասել է Գերմանիայի պաշտպանության նախարարը...
Հնդկաստանի վարչապետը խոստացել է վճռական պատասխան տալ Քաշմիրում կատարված ահաբեկչությանը
Հնդկաստանի կառավարությունը հայտարարել է, որ հարձակմանը Պակիստանի ներգրավվածության վերաբերյալ անվիճելի ապացույցներ ունի...
Ամենայն Հայոց Կաթողիկոսը ցավակցագիր է հղել Իրանի նախագահին
Շուտափույթ ապաքինում ցանկանալով ահաբեկչությունից տուժած վիրավորներին…
Քաշմիրում ահաբեկիչ-մահապարտն ավտոմեքենայով հարվածել է ավտոբուսին․ կա 30 զոհ
Հնդկաստանը Պակիստանին մեղադրում է զինյալներին աջակցելու մեջ․․․
Եվրամիությունը դատապարտել է Իրանում իրագործված ահաբեկչությունը
Չի կարող արդարացում ունենալ այդպիսի վրդովեցուցիչ ահաբեկչական գործողությունը…
Իրանի հարավ-արեւելքում ահաբեկչության հետեւանքով 41 մարդ է զոհվել․ ԶԼՄ-ներ
Ահաբեկչության պատասխանատվությունն իր վրա է վերցրել «Ջեյշ Ալ Ադլ» ահաբեկչական խմբավորումը․․․
Ամենաշատ