Հունաստանի ու ու նախկին հարավսլավիական հանրապետություն Մակդեոնիայի արտգործնախարարներ Նիկոս Կոտզիասն ու Նիկոլա Դիմիտրովը ստորագրել են համաձայնագիր Մակդեոնիայի նոր սահմանադրական անվան մասին։ Համաձայնագրի տակ ստորագրել է նաեւ ՄԱԿ գլխավոր քարտուղարի հատուկ ներկայացուցիչ Մեթյու Նիմիցան, որը միջնորդի դեր է կատարել բանակցություններում, փոխանցում է ՌԻԱ Նովոստին։
Ըստ համաձայնագրի՝ երկիրը կոչվելու է Հյուսիսային Մակեդոնիայի Հանրապետություն
Ստորագրման արարողությունը անցել է Պսարադես ավանում՝ երկու երկրների սահմանին, վարչապետեր Ալեքսիս Ցիպրասի ու Զորան Զաեւի ներկայությամբ։
Ցիպրասը հայտնել է, որ ստորագրման արարողությունը «հանդիպում է պատմության հետ»։
«Այստեղ չկան հաղթողներ կամ պարտվողներ»,- ասել է Ցիպրասը, նշելով , որ ինքը դիմում է ոչ միայն երկու երկրների, այլեւ ամբողջ Բալկանների ժողովուրդներին։
Ցիպրասը շնորհակալություն է հայտնել ՄԱԿ գլխավոր քարտուղարի հատուկ ներկայացուցիչ Մեթյու Նիմիցային ՝ վեճի կարգավորմանն ուղղված բազմամյա ջանքերի համար;
Զաեւն էլ իր կողմից հայտնել է, որ համաձայնագիրը ռազմավարական նշանակություն ունի։
«Մենք վերջ են տվել բազմամյա տարաձայնություններին»,- ասել է նա։
«Համաձայնագիրը սահանում է վստահություն երկու երկրների, դրանց քաղաքացիների միջեւ։ Մենք բարեկամություն ենք սահմանում երկու երկրների միջեւ։ Մենք գործընկերներ ու դաշնակիցներ ենք։ Տարածաշրջանում ստեղծվում է նոր իրողություն»,- ասել է Զաեւը։
Նրա խոսքով՝ պայմանագիրը օգուտ կտա երկու երկրների թե տնտեսական, թե առեւտրային հարաբերություններին։
Ստորագրումից հետո Զաեւը հանել է փողկապը ու այն նվիրել Ցիպրասին՝ Հունաստանի վարչապետը մինչ այդ հայտնել էր, որ սկսելու է կրել փողկապներ, երբ իրեն հաջողվի նվազեցնել Հունաստանի պետական պարտքը։