Մենք դատական մարմինների աշխատանքին չենք միջամտում, դա նաեւ վերաբերում է կալանավորումներին, երբ մենք միջնորդությամբ դիմում ենք դատարան եւ դատարանը չի տալիս համաձայնությունը։ : Այդ մասին այսօր՝ հունիսի 18–ին, լրագրողների հետ զրույցում նշեց ԱԱԾ տնօրեն Արթուր Վանեցյանը՝ անդրադառնալով Երեւանի քաղաքապետարանի «Երեւան» հիմնադրամի գործունեությանը։
«Իմ կարծիքով, բավարար հիմքեր կային, բայց դատարանն այլ կերպ որոշեց, դատարանն է բարձրագույն մարմինը, բայց դա չի նշանակում, որ «Երեւան» հիմնադրամում կատարված աշխատանքները եւ հայտնաբերված խախտումները մոռացվեցին։ Մենք շարունակում ենք աշխատել նույն կերպ, եւ առաջիկայում դուք կտեսնեք»,– ասաց Վանեցյանը։
Հարցին, թե ովքեր են ստիպել քաղաքացիներին գումարներ հատկացնել «Երեւան» հիմնադրամին, Վնեցյանն ասաց. «Մեր հաջորդ հրապարակած տեսանյութերից մեկը կլինի դրա մասին»։
«Երեւան» հիմնադրամի տնօրենն ազատ է արձակվել. նա դադարեցրել է 3 օր տեւած հացադուլն ու ջրադուլը