Թեհրանի փողոցներից մեկում սուֆիական անկարգությունների ժամանակ երեք ոստիկանի վրաերթի ենթարկած ավտոբուսի վարորդը կախվել է, հայտնել են Իրանի մայրաքաղաքի դատական մարմինները, փոխանցում է «ՌԻԱ Նովոստի»-ն:
Դատախազության կայքէջում տեղադրված հաղորդագրության համաձայն՝ ավտոբուսի վարորդ Մոհամմադ Սալասը կանխամտածված կերպով էր վրաերթի ենթարկել ոստիկաններին Փասդարան փողոցի վրա, ինչը եւ խոստովանել էր՝ նշելով, որ այդ պահին չափազանց բարկացած է եղել:
«Դերվիշներ Գոնաբադի» սուֆիական աղանդի մասնակցությամբ անկարգությունների ընթացքում, ինչպես նախկինում հաղորդվել էր, հինգ իրավապահ էր զոհվել. երեքը՝ ավտոբուսի վրաերթի հետեւանքով, մեկը՝ ավտոմեքենայի, եւս մեկը դանակահարվել էր:
Անկարգությունների ժամանակ վնասվածքներ էր ստացել 30 ոստիկան, նաեւ վնաս էր հասցվել գույքին: ԶԼՄ-ների հաղորդումների համաձայն՝ բողոքները սկսվել էին կրոնական կարգի առաջնորդ Նուրալի Տաբանդեի ձերբակալության մասին տեղեկությունից հետո:
