Ազգային ժողովի պատգամավոր, «Երկրապահ» կամավորական միության նախագահ Մանվել Գրիգորյանի մոտ հայտնաբերված սննդամթերքի եւ իրերի մի մասը փոխանցվել էր նրան օրինական կերպով: Պաշտպանության նախարարի մամուլի քարտուղար Արծրուն Հովհաննիսյանը լրագրողների հետ զրույցում պարզաբանեց, որ խոսքը «բանակի համար» գրառումներեվ ապրանքների եւ համազգեստի մի մասի (ներքնազգեստ) մասին է:
Ըստ Արծրուն Հովհաննիսյանի՝ պաշտպանության նախարարության արտադրանքի իրերը փոխանցվել են Երկրապահ կամավորական միությանը երկու ձեւով: «Ավելի քան 20 տարի է «Երկրապահ» միությունը բանակի համար հավաքումներ է իրականացնում: Այդ նպատակով միությունը դիմում է ՀՀ պաշտպանության նախարարությանը եւ հագուստ ու սնունդ է ստանում:
Երկրորդ ճանապարհը. ապրիլյան պատերազմի ընթացքում եւ մի քանի ամիս անց կամավորները գնում էին ճակատային գիծ եւ գտնվում էին Պաշտպանության բանակից սնունդ եւ իրեր էին ստանում: Թե որ ճանապարհով են այդ իրերը հայտնվել Մանվել Գրիգորյանի մոտ, չեմ կարող ասել, կպարզի հետաքննությունը: Պատասխանելով հայտնաբերված զենքի մասին հարցին՝ նախարարի մամուլի քարտուղարը համաձայնեց, որ դրանց մի մասը կարող էր ստացված լինել օրինական ճանապարհով:
Արծրուն Հովհաննիսյանը հրաժարվեց մեկնաբանել նաեւ Մանվել Գրիգորյանի մոտ հայտնված նվիրաբերված իրերի մասին հարցը: «Պաշտպանության նախարարությունը վերահսկողական գործառույթներ չունի: Օրենքով վերոնշված նպաստը տրվում է տարբեր խմբերի բանակային հավաքների ժամանակ: Այդպիսի կազմակերպություններ շատ են, ամենամեծ «Երկրապահն» է», - ասաց Հովհաննիսյանը՝ հավելելով, որ կազմակերպությունը գրավոր կերպով հաշվետվություն է ներկայացնում, եւ եթե քննչական մարմինը տարբերություն տեսնի փաստաթղթերում, ապա դա խարդախություն կհամարվի:
Պատասխանելով հարցին՝ կարող են արդյոք խախտումներ լինեն զինծառայողների ընտանիքներին օգնելու՝ այսպես կոչված «1000 դրամի» ծրագրում, Արծրուն Հովհաննիսյանը նշեց, որ, իր կարծիքով, կոռուպցիա չկա եւ շատ լավ վերահսկող մեխանիզմներ են: «Սակայն, ընդհանուր առմամբ, կոռուպցիոն դրսեւորումներն ամբողջությամբ բացառել հնարավոր չէ»,- ասաց Հովհաննիսյանը՝ հավելելով, որ եթե հետաքննության մարմինն անհրաժեշտ համարի եւ եթե մթերքները դեռ պիտանի են, դրանք կարող են փոխանցվել ՊՆ-ին:
