Audi կոնցեռնի գլխավոր տնօրեն Ռուպերտ Շթադլերին ձերբակալվել են դիզելային շարժիչների վնասակար արտանետումների մասին տվյալների կեղծման գործով, հայտնում են գերմանական լրատվամիջոցները:
Volkswagen խմբի մամուլի ծառայությունից, որի մասն է համարվում Audi-ն, հաստատել են Շթադլերի ձերբակալման փաստը, հայտնում է Neue Osnabruecker Zeitung-ը:
Մյունխենի դատախազությունն անցյալ շաբաթ Audi-ին մեղադրանք էր ներկայացրել՝ կապված «դիզելգեյթի» հետ եւ խուզարկություն էր կատարել Շթադլերի եւ կոնցեռնի տնօրենների խորհրդի անդամներից մեկի տներում: Նրանց կասկածում են խաբեության եւ ավտոմեքենաների դիզելային շարժիչների ծրագրային ապահովման մանիպուլյացիաների մեջ, որը ստուգելիս ցույց է տվել վնասակար արտանետումների ցածր մակարդակ, քան իրականում է: Խոսքը ЕА 189 տիպի 1,2, 1,6 եւ 2,0 լիտր տարողությամբ շարժիչների մասին է: 2009 թվականից ԱՄՆ-ում եւ ԵՄ-ում վաճառվել է այսպիսի շարժիչներով մոտ 220 հազար ավտոմեքենա:
2015-ի վերջից Audi-ի կառավարման 6 անդամներ իրենց պաշտոններից հեռացել են, հրաժարական ներկայացնելու կոչեր են հնչել նաեւ Շթադլերի համար: