News
Լրահոս
News
Երեքշաբթի
Մարտ 19
Տեսնել լրահոսը

«Կուտակային կենսաթոշակների մասին» ՀՀ օրենքում լրացումներ կատարելու մասին օրենքի նախագիծը ԱԺ առողջապահության եւ սոցիալական հարցերի հանձնաժողովում դրական եզրակացություն ստացավ եւ ընդգրկվեց հունիսի 19-ին մեկնարկող ԱԺ արտահերթ նիստերի օրակարգում:

Օրինագիծը ներկայացրեց Ֆինանսների նախարար Ատոմ Ջանջուղազյանը, ով նշեց, որ այս պահի դրությամբ ավելի քան 200 հազար քաղաքացի արդեն ընդգրկված է կուտակային կենսաթոշակային համակարգում, իսկ համակարից դուրս է մնացել շուրջ 80 հազար մարդ: Նրանք համակարգում կընդգրկվեն հուլիսի 1-ից:

Նրա խոսքով, կար մի քանի տարբերակ, կամ հետաձգել կուտակային կենսաթոշակային համակարգի պարտադիր բաղադրիչի ներդրումը 80 հազար քաղաքացիների համար, թույլ տալով, որ ավելի ուշ միանան համակարգին, կամ ներդնել դա հուլիսի 1-ից, կամ ընտրել երրորդ տարբերակը, որով առաջնորդվել է կառավարությունը:

«Որպես փոխզիջում գտնվել է տարբերակ, որն առաջարկվել է. այս տարբերակի էությունն այն է, որ հնարավորինս նվազում է տնօրինվող եկամուտների նվազման չափը նոր մասնակիցների համար եւ նույն մոտեցումը տարածվում է նաեւ նրանց վրա, որոնք արդեն կուտակային համակարգում են: Այսինքն նոր փոփոխությամբ, բոլորը 5 տոկոս կուտակային հիմնադրամին փոխանցելու փոխարեն կփոխանցեն 2,5 տոկոս, իսկ 7,5 տոկոսը կլինի պետության մասնակցությունը»,-հայտարարեց Ջանջուղազյանը:

Նա ընդգծեց, որ կուտակային կենսաթոշակային համակարգը կարող է հիմքեր ստեղծել ունենալու արժանապատիվ կենսաթոշակ. «Օրենքը նաեւ սահմանում է, որ կուտակային միջոցները գնաճից պակաս եկամտաբերություն չեն կարող ունենալ»:

Հիշեցնենք, որ այս օրինագծի առնչությամբ ՀՀ վարչապետ Նիկոլ Փաշինյանը հայտարարել էր, որ անցել են անդառնալիության կետը, քանի որ պարտադիր կուտակային համակարգի շահառուների մոտավորապես 80 տոկոսն արդեն իսկ ներառված է համակարգում, եւ շահառուների միայն 20 տոկոսն է, ում ներառումը համակարգում նախատեսվում է հուլիսի 1-ից հետո: Բացի այդ, այս պահի դրությամբ կուտակային ֆոնդերում հավաքված է 120 միլիարդ դրամ, որի 70 տոկոսը ներդրված է Հայաստանի տնտեսության մեջ:

Նշենք, որ գործող կարգավորմամբ, անձը կուտակում է իր եկամտի 10 տոկոսը՝ 5 տոկոսը վճարում է անձը, 5 տոկոսը՝ անձի օգտին պետությունը։ Նոր նախագծով առաջարկվող տարբերակով 2,5 տոկոսը վճարում է անձը, 7,5 տոկոսը՝ պետությունը։

Օրինակ, 200 000 դրամ աշխատավարձի դեպքում անձը կատարում է 10 000 դրամ սոցիալական վճար, իսկ պետությունն իր հերթին ավելացնում է եւս 10 000 դրամ։ Նախագծի համաձայն, անձը կվճարի 5000 դրամ (2,5 տոկոսը), իսկ պետությունը՝ 15 000 (7,5 տոկոսը)։ Այս դրույքաչափերը կգործեն մինչեւ եկամտային հարկի բարեփոխումների ուժի մեջ մտնելը, որի արդյունքում կնվազի վճարվող եկամտային հարկը՝ նվազեցնելով նաեւ սոցիալական վճարների բեռը համակարգի մասնակիցների համար:

Հիշեցնենք, որ Աշխատանքի եւ սոցիալական հարցերի նախարարի պաշտոնից Մանե Թանդիլյանը հրաժարվեց հենց այն պատճառով, որ ի սկզբանե դեմ է եղել կուտակային կենսաթոշակային համակարգի պարտադիր բաղադրիչին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Ժամանակ». Բունտ է հասունանում. Մոտ 6000 մարդու օրվա հացն է վտանգված
Փաստն այն է, որ տվյալ փոփոխությունների արդյունքում պետությունը կկրի ոչ միայն...
Հայաստանից արժույթի արտահոսքը եւ բանկերում բնակչության ավանդները
Սեփականության վաճառքից ստացած փողը բանկերի միջոցով փոխանցվում է նոր քաղաքացիության երկիր…
Դյուսելդորֆում քննարկել են գերմանական շուկայում հայկական խմիչքների սպառմանն ուղղված քայլերը
Դեսպան Սմբատյանը մասնակցությունը ՊրոՎայն գինիների եւ ալկոհոոլային խմիչքների ամենամյա խոշորագույն տոնավաճառին...
Տնտեսական զարգացման տեսանկյունից միջնաժամկետ հեռանկարում կանխատեսումները պահպանողական են. Ջանջուղազյան
Ատոմ Ջանջուղազյանն ընդունել է Ասիական զարգացման բանկի պատվիրակությանը…
Դոլարը շարունակում է էժանանալ. Եվրոն թանկացել է ավելի քան մեկ դրամով
Թանկարժեք մետաղների համար բանկի կողմից սահմանվել են հետեւյալ գները…
«Մենք գտնվում ենք գռեհիկ, գիշատիչ կապիտալիզմի փուլում» . Ահարոն Ադիբեկյանը՝ գործազրկության մասին
Դժբախտաբար, նոր իշխանության խորհրդատուների շրջանում չկա խելամիտ տնտեսագետ, որ կարողանա նման խորհուրդներ տալ...
Ամենաշատ