Հարավային Կորեան եւ ԿԺԴՀ-ն որոշում են կայացրել Փհենյանում համատեղ բասկետբոլի խաղ անցկացնել եւ միասնական թիմեր ձեւավորել՝ Ինդոնեզիայում կայանալիք Ամառային ասիական խաղերին մասնակցության համար: Այս մասին ասվում է Հարավային Կորեայի մշակույթի, սպորտի եւ զբոսաշրջության նախարարության հաղորդագրության մեջ, հաղորդում է «ՌԲԿ»-ն՝ վկայակոչելով Renhap գործակալությունը:
Ջակարտայում եւ Պալեմբանգում կայանալիք Խաղերին երկրները համատեղ թիմեր կուղարկեն՝ որպես միասնականության նշան: Այս համաձայնագիրն ընդունվել է ԿԺԴՀ-ի եւ Հարավային Կորեայի միջեւ կապերի խորացմանն ուղղված բանակցությունների ընթացքում: Ամառային ասիական խաղերը տեղի կունենան օգոստոսի 18-ից մինչեւ սեպտեմբերի 2-ը:
Ավելի վաղ Հարավային Կորեայի արտաքին գործերի նախարարը հայտարարել էր, որ Վաշինգթոնի եւ Փհենյանի հետ խորհրդակցություններից հետո երկիրը մտադիր է վերջ տալ ԿԺԴՀ-ի հետ պատերազմին: