Հայաստանի քաղաքական ներկապնակը պետք է գույնզգույն լինի: Այս մասին հունիսի 18-ին լրագրողների հետ հանդիպման ժամանակ հայտարարեց «Ժառանգություն» կուսակցության վարչության նախագահ Արմեն Մարտիրոսյանը:
Նրա կարծիքով՝ Հայաստանում վարկանշային ընտրական համակարգը պետք է վերացվի, քանի որ երկիրը պետք է ունենա պարզ համամասնական ընտրակարգ: «Կուսակցությունների՝ Ազգային ժողով անցնելու շեմը պետք է նվազեցվի, թեկուզ՝ առաջիկա ընտրությունների համար, քանի որ ակնհայտ է, որ դրանք տեղի են ունենալու ֆորս-մաժորային պայմաններում», - ասաց Մարտիրոսյանը:
Արմեն Մարտիրոսյանը հավելեց, որ Հայաստանի խորհրդարանում հնարավորինս շատ քաղաքական ուժեր պետք է ներկայացված լինեն, քանի որ իշխանափոխությունից բացի կարեւոր դերի ունի նաեւ հեղափոխության տրամաբանական ավարտը, այդ թվում նաեւ՝ ինստիտուցիոնալ տեսանկյունից:
