Եվրախորհրդարանում հուլիսի 4-ին ԵՄ-ի եւ Հայաստանի միջեւ համապարփակ եւ ընդլայնված գործընկերության մասին համաձայնագրի (CEPA) քվեարկությունը: Այս մասին հունիսի 18-ին Երեւանում կայացած մամուլի ասուլիսին հայտարարել է Եվրոպական խորհրդարանի արտաքին հարաբերությունների հանձնաժողովի նախագահ Դեվիդ Մաքալիսթերը:
«Ես կասկած չունեմ, որ մեծամասնությունը կողմ հանդես կգա համաձայնագրին: Սակայն հաջող իրականացումն է Հայաստանի արդիականացման ապահովման բանալին, քանի որ այն ներդրումներ եւ կոնկրետ առավելություններ կբերի Հայաստանի ժողովրդին»,- ասել է Եվրոպական խորհրդարանի պատվիրակության ղեկավարը, որն այցով գտնվում է Հայաստանում: ԵՄ-ն ողջունում է Հայաստանի խորհրդարանի կողմից համաձայնագրի վավերացումը, նշել է նա՝ հավելելով, որ համաձայնագիրը չի խանգարում Հայաստանին համագործակցել այլ գործընկերների հետ:
Եվրախորհրդարանի պատգամավորը շեշտել է, որ որեւէ խոչընդոտ չի տեսնում Եվրամիության կողմից այն վավերացնելու համար: Նրա խոսքով՝ ԵՄ-ն Հայաստանի կողքին է՝ այդ թվում նաեւ ֆինանսական եւ տեխնիկական աջակցություն ցուցաբերելու համար: «Սակայն, իհարկե, ինչպես եւ բոլոր գործընկերների համար, այդ օժանդակությունը կախված է մի քանի գործոններից, ներառյալ՝ օրենքի գերակայությունից, պատշաճ կառավարումից եւ մարդու իրավունքների պաշտպանությունից», - ընդգծել է ԵԽ պատգամավորը: