Բարեփոխումների իրականացման առաջընթացը, հատկապես հակակոռուպցիոն բարեփոխումների, ԵՄ-ի հետ վիզային ռեժիմի ազատականացման մասին որոշման համար առանցքային նշանակություն կունենա: Այս մասին հունիսի 18-ին Երեւանում մամուլի ասուլիսում հայտարարեց Եվրոպական խորհրդարանի արտաքին հարաբերությունների հանձնաժողովի նախագահ Դեվիդ Մաքալիստերը:
«Իհարկե, ես չեմ կարող ասել կոնկրետ ամսաթիվը, բայց ես լիովին գիտակցում եմ հայ ժողովրդի համար այս խնդրի վճռորոշ նշանակությունը», - ասաց նա:
Նրա խոսքով, ԵՄ-ն նաեւ պետք է տեսնի մի շարք ԵՄ անդամ երկրներում ապօրինի բնակվող հայ միգրանտների թվի կրճատում: «Շատ ջանքեր պետք է գործադրվեն, բայց Եվրամիությունը, այդ թվում Եվրախորհրդարանը, կաջակցեն Հայաստանին», - խոստացավ նա:
Դեվիդ Մաքալիստերը հաստատեց երկխոսության սկիզբին ԵՄ-ի աջակցելու պատրաստակամությունը, սակայն հավելեց, որ այս առումով կարեւոր է Ուկրաինայի եւ Վրաստանի փորձը: Նա Հայաստանին կոչ արեց ուշադիր ուսումնասիրել Վրաստանի եւ Ուկրաինայի փորձը` այդ երկրների գործած սխալներից խուսափելու համար: