ԱՄՆ-ում ընթանում է Նոր Անգլիայի մաֆիայի 84-ամյա ղեկավար, «Կադիլակ Ֆրենկ» մականունով Ֆրենկի Սալեմեի դատավարությունը: Նրան մեղադրում են 1993-ին գիշերային ակումբի սեփականատեր Սթիվեն ԴիՍարոյի սպանության մեջ: Դատախազները կարծում են, որ նա է սպանել ԴիՍարոյին, որովհետեւ վերջինը կարծում էր, որ Ֆրենկը մատնել է իրեն դաշնային իշխանություններին, հաղորդում է AP-ն:
Մաֆիոզիի դեմ ցուցմունք է տալու նախկին գանգստեր Սթիվեն Ֆլեմին՝ «Հրաձիգ» մականունով, որը 10 սպանությունների համար ցմահ ազատազրկվել է:
Սալեմեն եւ մյուս ամբաստանյալ Պոլ Վադիկը պնդում են, որ իրենք անմեղ են: 2016-ին ԴիՍարոյի դիակը հայտնաբերվել էր Ռոդ Այլենդ նահանգում՝ Պրովիդենսում, ջրաղացի մոտ:
Ֆրենկ Սալեմեն կազմակերպված հանցավորության մի ամբողջ դարաշրջանի ներկայացուցիչն է: Նրա ընտանիքը վերահսկում էր Բոստոնը եւ նրա մերձակայքը: Մաֆիայի մնացորդներ են մնացել Նյու Յորքում, Չիկագոյում, Ֆիլադելֆիայում եւ Դեթրոյթում, բայց այսօր կազմակերպությունները ղեկավարներ չունեն: