ԱԺ ՀՀԿ խմբակցության պատգամավոր, ԵԿՄ նախագահ Մանվել Գրիգորյանի փաստաբաններ Արայիկ Ալբանյանը եւ Կարո Քամալյանը հանդիպում են լրագրողների հետ: Նրանք կներկայացնեն, թե ԱԱԾ-ի կողմից հրապարակած ԵԿՄ նախագահ Մանվել Գրիգորյանի առանձնատանը կատարված տեսանյութում ցուցադրված առարականերն ի՞նչ նպատակով են գտնվել Մանվել Գրիգորյանի տանը:
Նշենք, որ Մանվել Գրիգորյանը ձերբակալվել է հունիսի 16-ին՝ Ազգային անվտանգության ծառայության խուզարկություններից հետո ապօրինի կերպով զենք եւ ռազմամթերք պահելու համար: ԱԱԾ տարածած տեսանյութի համաձայն, Հանրապետական պատգամավոր, գեներալ Մանվել Գրիգորյանի տանն ու նրան պատկանող տարածքներում հայտնաբերվել են մեծ քանակությամբ ռազմամթերք ու թանկարժեք մեքենաների հավաքածուներ, ինչպես նաեւ երկու տարի առաջ՝ ապրիլյան պատերազմի ժամանակ, բանակին որպես օգնություն ուղարկված շտապօգնության մեքենա, սնունդ, հագուստ ու այլ իրեր:
