ԱԺ պատգամավոր, «Երկրապահ» կամավորական միության նախագահ Մանվել Գրիգորյանի մոտ հայտնաբերված զենքը դատաբալիստիկ փորձաքննություն է անցնում: Այս մասին հունիսի 19-ին կայացած մամուլի ասուլիսում ասաց փաստաբան Կարո Քամալյանը:
Նրա խոսքով՝ առայժմ արդյունքները չեն ստացվել: «Քննչական խմբում են ԱԱԾ եւ ՀՔԾ պրոֆեսիոնալները: Անցկացվում են լայնամասշտաբ քննչական եւ օպերատիվ միջոցառումներ: Չենք կասկածում, որ օբյեկտիվ իրականությունը կհաստատվի»,- հայտարարեց փաստաբանը:
Նա հստակեցրեց, որ խուզարկությունները կատարվել են հարուցված քրեական գործի շրջանակում, սակայն Մանվել Գրիգորյանին մեղադրանք չի առաջադրվել: Նա ձերբակալվել է որպես կասկածյալ:
Հիշեցնենք, որ այսօր Ազգային ժողովում որոշվում է պատգամավոր Մանվել Գրիգորյանին կալանելու հարցը: