2017 թվականին փախստականների կարգավիճակ ստանալու համար ԵՄ երկրներին դիմել է ավելի քան 7000 հայ քաղաքացի: Այս մասին ասվում է ԵՄ փախստականների գործակալության անցյալ տարվա վերաբերյալ զեկույցում:

Զեկույցի համաձայն՝ փախստականի կարգավիճակ ստանալու համար դիմել է 7.750 հայ քաղաքացի: Մի տարի առաջ նրանց թիվը 8.565 էր: Ընդ որում, երկրորդ կամ վերջին ատյանում մերժվել է 3.425 հայ քաղաքացի: Մերժումների մեծ մասը (61 տոկոս) բաժին է ընկնում Գերմանիային:

Ընդհանուր առմամբ, 2017 թվականին փախստականի կարգավիճակ տրամադրելու վերաբերյալ առավելագույն թվով դիմումները ներկայացվել են Գերմանիայում: Դիմումների ընդհանուր թիբը 2016-ի համեմատ նվազել է 44 տոկոսով: