Եթե բարձրաստիճան պաշտոնյաներն անում են հայտարարություններ, պարտադիր չէ, որ բոլոր դեպքերում դրանց հետեւեն իրավական գործընթացներ: Այս մասին, այսօր՝ հունիսի 19-ին, ԱԺ-ում լրագրողների հետ զրույցում նշեց ՀՀ գլխավոր դատախազ Արթուր Դավթյանը:
Հարցին, թե նախկին վարչապետ Կարեն Կարապետյանն էլ ժամանակին հայտարարել, որ ապրիլյան պատերազմի ժամանակ բենզին չի եղել մեքենաներում, ինչո՞ւ դա հիմք չդարձավ բացահայտումների համար, Արթուր Դավթյանը պատսխանեց. «Եթե բարձրաստիճան պաշտոնյաներն անում են հայտարարություններ, պարտադիր չէ, որ բոլոր դեպքերում դրանց հետեւեն իրավական գործընթացներ: Այդ անձինք ունեն նաեւ իրավապահներին հանձնարարություններ տալու լիազորություններ: Պետք է տարանջատենք քաղաքական գնահատականները իրավականներից»: