Beeline-ը հայտարարում է Beeline Smart 8 սմարթֆոնի վաճառքի հատուկ ակցիայի մեկնարկի մասին։ Մինչեւ օգոստոսի 20-ը հեռախոսը հնարավոր կլինի գնել 19900 դրամով, որից 5500 դրամը կփոխանցվի բաժանորդի հաշվեկշռին։ Սմարթֆոնները վաճառվում են «Սմարթ 1500»/«Սմարթ 1500 Մարզային» սակագնային փաթեթի հետ միասին։
Ինչպես հայտնում են ընկերության մամուլի ծառայությունից, Beeline Smart 8 սմարթֆոնը բյուջետային մոդել է, որը համալրված է 4-միջուկանի պրոցեսորով եւ աշխատում է Android 6․0 օպերացիոն համակարգով։ Մոդելն ունի երկու տեսախցիկ եւ երկու SIM քարտ տեղադրելու հնարավորություն, ինչպես նաեւ նախատեսված է 2G եւ 3G ցանցերում աշխատելու համար։
«Beeline-ը շարունակում է ընդլայնել սմարթֆոնների տարածվածությունը երկրում՝ առաջարկելով ինչպես հայտնի ապրանքանիշների հեռախոսներ, այնպես էլ բյուջետային մոդելներ, որոնք օգտատիրոջը թույլ են տալիս փոքր գումարի դիմաց լիարժեք գնահատել սմարթֆոնի եւ ինտերնետի օգտագործման բոլոր առավելությունները»,- նշեց Հայաստանում Beeline-ի գլխավոր տնօրեն Անդրեյ Պյատախինը։
Լրացուցիչ տեղեկություններ կարելի է ստանալ www.beeline.am կայքում՝ օպերատորի հետ օնլայն կապ հաստատելով Beeline Armenia-ի Facebook-յան պաշտոնական էջում, անվճար 0611 հեռախոսահամարով կամ Beeline-ի գրասենյակներում:
