Ռուսաստանի Դաշնությունը Հայաստանին արտահանձնել է Կուբայի քաղաքացուն, ով մեղադրվում է ԱՄՆ մեկնելու համար փաստաթղթերի ձեւակերպման պատրվակով իրականացված խարդախության համար: Այս մասին հաղորդում է «ՌԻԱ Նովոստի»-ն` վկայակոչելով Մոսկվայի դատախազությունը:
«Ռուսաստանի Դաշնությունից Հայաստանի Հանրապետություն է արտահանձնվել Կուբայի Հանրապետության 38-ամյա քաղաքացի Օրտեգա Բենկոմո: 2017 թվականից նա հետախուզվում էր ՀՀ իրավապահ մարմինների կողմից՝ «խոշոր չափերի խարդախություն» հոդվածով նածատեսված հանցագործությունների կատարման համար քրեական պատասխանատվության ենթարկելու համար»,- նշվում է հաղորդագրության մեջ:
Գերատեսչության տվյալներով՝ Բենկոմոն մեղադրվում է 2014-ից մինչեւ 2015 թվականը Երեւանում խմբի կազմում ԱՄՆ մեկնելու համար փաստաթղթեր ձեւակերպոլու պատրվակով գումարներ շորթելու համար: 2017 թվականի մայիսին Բենկոմոն իրավապահների կողմից ձերբակալվել էր Հարավարեւելյան վարչական շրջանի տարածքում, նշվում է հաղորդագրության մեջ:
