News
Լրահոս
News
Երկուշաբթի
Սեպտեմբեր 24
Տեսնել լրահոսը

Մաեստրո Հովհաննես Չեքիջյանի տանից կատարված գողության դեպքի առթիվ հարուցված քրեական գործի նախաքննությունն ավարտվել է:

Քննչական կոմիտեի մամուլի ծառայությունից հայտնում են, որ հունվարի 12-ին` ժամը 23:50-ին, ահազանգ էր ստացվել Վահագնի թաղամասի տներից մեկում կատարված գողության վերաբերյալ: Ձեռնարկված միջոցառումների արդյունքում պարզվել էր, որ ժամը 22:40-ի սահմաններում ենթադրյալ հանցագործություն կատարած անձը, տեխնիկական միջոցների գործադրմամբ բացելով Երեւան քաղաքի Վահագնի թաղամասի տներից մեկի պատուհանը, մուտք է գործել եւ հափշտակել տարբեր զարդեր:

Դեպքի առթիվ Քրեական օրենսգրքի 177-րդ հոդվածի 3-րդ մասի 1.1-րդ կետով հարուցված քրեական գործով ձեռնարկված անհրաժեշտ քննչական եւ օպերատիվ-որոնողական միջոցառումների արդյունքում պարզվել է ենթադրյալ հանցագործություն կատարած անձի ինքնությունը, որը Վանաձորի բնակիչ է՝ ծնված 1984թ.:

Բազմակողմանի քննության արդյունքում բացահայտվել են նույն անձի կողմից 2017թ. նոյեմբերից մինչեւ 2018թ. հունվար ամիսներն ընկած ժամանակահատվածում Վահագնի թաղամասում կատարված մի շարք այլ գողություններ, այդ թվում՝ փաստական տվյալներ ձեռք բերվել, որ նրա կողմից է իրականացվել նաեւ մաեստրո Հովհաննես Չեքիջյանի՝ Վահագնի թաղամասում գտնվող տանից 2017 թվականի նոյեմբերին արձանագրված գողությունը։

Մասնավորապես՝ 2017 թվականի նոյեմբերի 30-ին` ժամը 21:00-ի սահմաններում, 34-ամյա տղամարդը, տեխնիկական միջոցի գործադրմամբ բացելով Հովհաննես Չեքիջյանին պատկանող առանձնատան խոհանոցի մուտքի դուռը, ապօրինի մուտք է գործել ներս եւ բնակարանի հյուրասենյակից հափշտակել հուշամեդալներ, շքանշաններ, սրբապատկերներ եւ այլ իրեր, որոնց մի մասը հայտնաբերվել է նրա բնակարանում կատարված խուզարկության արդյունքում, մի մասն էլ՝ գնորդների բնակարաններում։

Մինչդատական վարույթում ձեռք բերված ապացույցների հիման վրա՝ 34-ամյա վանաձորցի տղամարդուն մեղադրանք է առաջադրվել՝ ՀՀ քրեական օրենսգրքի 34-177-րդ հոդվածի 3-րդ մասի 1.1 կետով (մեկ դրվագ), ՀՀ քրեական օրենսգրքի 177-րդ հոդվածի 3-րդ մասի 1.1 կետով (երկու դրվագ), ՀՀ քրեական օրենսգրքի 177-րդ հոդվածի 3-րդ մասի 1-ին եւ 1.1 կետով (մեկ դրվագ) եւ ՀՀ քրեական օրենսգրքի 177-րդ հոդվածի 2-րդ մասի 3-րդ կետով (մեկ դրվագ): Նրա նկատմամբ որպես խափանման միջոց է կիրառվել կալանավորումը:

Քրեական գործը՝ մեղադրական եզրակացությամբ, ուղարկվել է քրեական գործի նախաքննության նկատմամբ հսկողություն իրականացնող դատախազին:

Տպել
Կարդացեք նաև
Ամբողջը
Բուքինգհեմյան պալատի մուտքի մոտ կալանավորվել է էլեկտրաշոկերով տղամարդ
Ոստիկանությունը հայտարարել է, որ սա կապված չէ ահաբեկչության հետ․․․
Ընտրության օրը արձանագրված ընտրական բնույթի 31 իրավախախտման դեպքի առթիվ նյութեր են նախապատրաստվում
Արձանագրված իրավախախտումների վերաբերյալ հաղորդումներից 14-ը վերաբերում են քաղաքացու ընտրական իրավունքի ազատ իրականացմանը…
Արարատի մարզում 55-ամյա տղամարդուն գտել են ծիրանի ծառից կախված վիճակում. երկտող են հայտնաբերել
Արարատի մարզում, սեպտեմբերի 22-ին ողբերգական դեպք է տեղի ունեցել...
Ավազակային հարձակում «Առինջ մոլ»-ում․ հափշտակել են խոշոր չափի գումար
23-ամյա Անահիտ Թ.-ն Ոստիկանության Կոտայքի բաժին հայտնել է, որ նույն օրը ժամը 17։00-ի սահմաններում…
Քննչական կոմիտեում ստացվել է 23 նյութ, որոնք պարունակում են հանցագործության հատկանիշներ
ՀՀ ՔԿ Երեւան քաղաքի քննչական վարչության տարածքային ստորաբաժանումներում՝ սեպտեմբերի 23-ին՝ ժամը 20:00-ի դրությամբ..
Պերմի գաղութում ինքնասպան է եղել հայտնի «օրենքով գող» Վովա Վագոնը
Նախկինում բազմիցս դատված, ծագումով Կալինինգրադից Վագինը «օրենքով գողի» կոչում է ստացել 1995 թվականին…
Ամենաշատ
Partner news