Ոչ ոք չի հետաքրքրվում Բաքվից հայ փախստականների խնդիրներով: Այս մասին հունիսի 20-ին լրագրողների հետ հանդիպման ժամանակ հայտարարեց «Ընդդեմ իրավական կամայականության» հասարակական կազմակերպության գործադիր տնօրեն, ՀՀ նախկին օմբուդսմեն Լարիսա Ալավերդյանը:
Նրա խոսքով՝ փախստականների խնդիրները նույն մակարդակին են մնացել, ինչ նախկինում էր: Մինչդեռ, անհրաժեշտ է խոսել բռնի կերպով տեղահանված հայերի մասին, նրանց խնդիրները մնում են չլուծված: «Այս տարիներին մեզ մոտ Սիրիայից փախստականներ են եղել, որոնց նկատմամբ որոշակի քաղաքականություն է տարվում: Սակայն նրանց խնդիրները պետք է ռանձին դիտարկվեն, քանի որ այս հարցով շատ հմուտ կազմակերպություններ կան, որոնք զբաղվում են Սիրիայից հայ փախստականների խնդիրներով»,- հավելեց Ալավերդյանը:
Ընդ որում, նա շնորհակալություն հայտնց ՄԱԿ-ի հայաստանյան գրասենյակին՝ փախստականների նկատմամբ հստակ հստակ քաղաքականության համար, որի շնորհիվ նրանցից շատերին բնակարաններ են տրամադրվել, այդ թվում նաեւ՝ վարձով, իսկ վարձակալություն գումարը վճարվել է տվյալ միջազգային կառույցի կողմից: