News
Լրահոս
News
Շաբաթ
Փետրվար 16
Տեսնել լրահոսը

Հանրային ծառայությունները կարգավորող հանձնաժողովն այսօր՝ հունիսի 20-ի որոշմամբ Հայկական ատոմային էլեկտրակայանի երկրորդ էներգաբլոկի ժամկետի երկարաձգման նպատակով ռուսական 270 միլիոն դոլարի վարկի վերադարձը կապահովվի էլեկտրաէներգիայի սակագնի հաշվարկում ներառելու միջոցով:

Հանձնաժողովի նախագահ Ռոբերտ Նազարյանը NEWS.am-ի հետ զրույցում  նշեց, որ ատոմակայանի էներգաբլոկի ժամկետի երկարաձգման համար ռուսական 270 մլն դոլար վարկը պետք է սակագնի միջոցով վերադարձվի:

Հարցին, թե երբ է լինելու սակագնի փոփոխություն եւ ինչ չափով, Ռոբերտ Նազարյանն արձագանքեց. «Վարկային պայմանագրի սահմաններում մենք պետք է վարկի սպասարկումն իրականացնենք, որը ենթադրում է 2020 թվականից առաջին տրանշի մարումը»:

Նշենք, որ Հանձնաժողովը սահմանել է, որ «Հայկական ատոմային էլեկտրակայան» ՓԲԸ-ի 2-րդ էներգաբլոկի շահագործման ժամկետի երկարաձգում» ծրագրի իրականացմանն ուղղված ներդրումային ծրագրի շրջանակում ներգրավվելիք միջոցների վերադարձը կապահովվի էլեկտրական էներգիայի (հզորության) արտադրության սակագնի հաշվարկում դրանց սպասարկման եւ մարման ծախսերը ներառելու միջոցով` ըստ ենթավարկային պայմանագրում ամրագրված պայմանների:

ՀՀ հանրային ծառայությունները կարգավորող հանձնաժողովի նիստում քննարկվել է «Հայկական ատոմային էլեկտրակայան» փակ բաժնետիրական ընկերության 2-րդ էներգաբլոկի շահագործման ժամկետի երկարաձգման» ծրագրի շրջանակում իրականացվող ներդրումների մասին հարցը:

Հայաստանի Հանրապետության եւ Ռուսաստանի Դաշնության կառավարությունների միջեւ 2015 թվականի փետրվարի 5-ին կնքված համաձայնագրի եւ ՀՀ կառավարության եւ «Հայկական ատոմային էլեկտրակայան» փակ բաժնետիրական ընկերության միջեւ 2015 թվականի հունիսի 22-ին կնքված ենթավարկային պայմանագրի համաձայն ՌԴ կառավարությունը ՀՀ կառավարությանը տրամադրել է 270 000 000 (երկու հարյուր յոթանասուն միլիոն) ԱՄՆ դոլար գումարի չափով վարկ՝ «Հայկական ատոմային էլեկտրակայան» փակ բաժնետիրական ընկերության 2-րդ էներգաբլոկի շահագործման ժամկետի երկարաձգման ծրագրի իրականացման նպատակով։

ՀՀ կառավարության 2018 թվականի մայիսի 3-ի «Ռուսաստանի Դաշնության աջակցությամբ իրականացվող «Հայկական ատոմային էլեկտրակայանի 2-րդ էներգաբլոկի շահագործման ժամկետի երկարաձգում» ծրագրի շրջանակներում Հայկական ատոմային էլեկտրակայանի 2-րդ էներգաբլոկի շահագործման ժամկետի երկարաձգմանն ուղղված միջոցառումների իրականացման ծրագիրը հաստատելու մասին» եւ «Հայկական ատոմային էլեկտրակայան» փակ բաժնետիրական ընկերության երկրորդ էներգաբլոկի շահագործման ժամկետի երկարաձգման ներդրումային պլանին հավանություն տալու եւ դրանից բխող միջոցառումների իրականացման մասին» որոշումներով հաստատվել է «Հայկական ատոմային էլեկտրակայան» ՓԲԸ-ի 2-րդ էներգաբլոկի շահագործման ժամկետի երկարաձգմանն ուղղված միջոցառումների իրականացման ծրագիրը եւ հավանություն տրվել ներդրումային պլանին։

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԵՄ-ում սպառվող էներգիայի արդեն 17.5 տոկոսը «կանաչ» ծագում ունի
Շվեդիայում սպառվող էներգիայի կեսից ավելին (54.5 տոկոս) վերականգնվող աղբյուրներից է...
Գազալցակայաններում գազը կվաճառվի կգ-ով, ոչ թե ծավալով. Ինչ կտա սա սպառողին եւ արդյոք չի փոխվի գինը
Ի դեպ, Նիկոլ Փաշինյանն ասաց, որ ահազանգեր է ստանում, որ գազալցակայաններում ՀԴՄ կտրոն չեն տալիս, եւ նշեց, որ այստեղ անելիք ունեն նաեւ քաղաքացիները...
ԵՄ-ն մինչեւ 2030 թվականը կհրաժարվի արմավենու յուղով վառելիքից
Արմավենու յուղի արտադրության համար արեւադարձային անտառներ են հատվում՝ դրանով իսկ ավելի մեծ վնաս պատճառելով շրջակա միջավայրին, քան բենզինի...
Նավթի համաշխարհային գներն աճում են
WTI տեսակի նավթի մարտյան ֆյուչերսները թանկացել են 0,50 տոկոսով՝ մեկ բարելի դիմաց կազմելով 54,17 դոլար…
Գերմանիայի կառավարությունը ողջունում է «Հյուսիսային հոսք 2»-ի վերաբերյալ ԵՄ-ի փոխզիջումը
ԵՄ երկրները հաղթահարել են տարաձայնություններն այն հարցով, թե ինչպես պետք է նոր դիրեկտիվի օգնությամբ կարգավորեն գազամուղի...
Եվրախորհրդարանը եւ ԵՄ Խորհուրդը նախապես համաձայնեցրել են գազային հրահանգներում կատարվող ուղղումները
Համաձայնագիրը լրացնում է էներգետիկայի ոլորտում ԵՄ օրենսդրության բացը…
Ամենաշատ