News
Լրահոս
News
Հինգշաբթի
Հուլիս 19
Տեսնել լրահոսը

Երկրապահ կամավորների միությունը պետք է լուծարվի: Այս մասին այսօր՝ հունիսի 20-ին,  մամուլի ասուլիսում ասել է Հելսինկյան կոմիտեի նախագահ Ավետիք Իշխանյանը:

«Թող Շվեյցարիայի մեթոդով կամավորական ջոկատներ լինեն եւ լինեն պետության վերահսկողության տակ, ոչ թե նման հրոսակախումբ»,- ասաց նա:

Ըստ Իշխանյանի՝ ԵԿՄ-ում կոռուպցիոն բացահայտումների հիմքերը գալիս են դեռեւս 90-ականներից. «Ցավոք սրտի 90-ականներից ոչ թե փորձ արվեց ստեղծելու պետություն եւ ուժեղացնելու այն, այլ միայն իշխանություն ստեղծվեց եւ այն ամրապնդվեց։ Սրանք տարբեր բաներ են։  Իշխանությունը չձեւավորվեց ժողովրդի քվեով եւ իշխանության հենարանը դարձավ ուժային կառույցները։ Տարբեր տիպի անձինք իրենց հրոսակախմբերով արտոնված էին ու իրենց պատիժ չէր հասնում»:

Նրա խոսքով՝ 1995 թվականին, երբ ստեղծվում էր ԵԿՄ-ն, շատ է ասվել, որ պետության մեջ զինված խումբը օրինականացնելը չի կարելի. «Բայց ո՞վ կարող էր Վազգեն Սարգսյանի դեմ խոսել՝ Լեւոն Տեր-Պետրոսյանի հովանավորչությամբ»:

Ավետիք Իշխանյանը հիշեց նախկինում ԵԿՄ-ի մասնակցությամբ մի շարք  «սխրագործություններ». «Նրանք պայթեցրեցին կրոնական յոթ կազմակերպությունների, ծեծեցին, ջարդեցին, եղան սպանություններ։ Դա արեցին ազգային-կրոնական  հողի վրա՝ ով առաքելական չի, հայ չի սկզբունքով։ Այն ժամանակվա ընդդիմադիր քաղաքական ուժերը չքննադատեցին։  Հաջորդը ընտրությունների ժամանակ էր. Օպերայում եղավ կրակոցներ, ծեծուջարդ։ Ոչ ոք պատասխան չտվեց։ 1996 թվականի ամբողջ ընտրությունների կազմակերպումը կատարում էր ԵԿՄ-ն, նրանց թույլ էր տրվում անել ամեն ինչ։ Նրանց տրվեց բիզնես, սեփականություն եւ այլն: Այդպես շարունակվեց մինչ օրս։ Նույն այդ երկրապահների միջոցով եւ Վազգեն Սարգսյանի կողմից 1998 թվականին տեղի ունեցավ պետական հեղաշրջում. Լեւոն Տեր-Պետրոսյանին գցեցին»,-ասաց նա:

Տպել
Կարդացեք նաև
Ամբողջը
Ռուսական լրատվամիջոցները Փաշինյանի այցը Բրյուսել որպես շանտաժ են գնահատել Ռուսաստանի նկատմամբ
«Բոլորովին վերջերս Երեւանը շատ լոյալ էր Մոսկվայի նկատմամբ...
ՊԵԿ նախկին նախագահ Գագիկ Խաչատրյանի գործով ՀՔԾ-ում դեռեւս նյութեր չեն նախապատրաստվել
Նշված նյութերը դեռեւս չեմ ուսումնասիրել...
Եթե Նիկոլ Փաշինյանը հորդորի, նույն պահին հրաժարական կտամ. Սամվել Բալասանյանը շփոթվեց
Ես որեւէ խնդիր չունեմ, երբ իշխանությունը չուզեց, չեմ աշխատի, հասարակությունը չուզեց, չեմ աշխատի…
ՀՀ Քննչական կոմիտեի փոխնախագահ Վահագն Հարությունյանն ազատվել է պաշտոնից՝ իր դիմումի համաձայն
Ղեկավարվելով «Հայաստանի Հանրապետության քննչական կոմիտեի մասին» Հայաստանի Հանրապետության օրենքի 20-րդ հոդվածի 5-րդ մասով...
Միքայել Արզումանյանն ազատվել է ՀՀ գլխավոր ռազմական տեսուչի տեղակալի պաշտոնից
Նշենք, որ դրանից օրեր առաջ «Արցախյան զարթոնք» նախաձեռնող խումբը...
Տեղի է ունեցել Փաշինյան-Տեր-Պետրոսյան հանդիպումը. Նախաձեռնողը եղել է ՀՀ առաջին նախագահը
Առաջին նախագահը իր տեսակետներն է հայտնել Հայաստանի առջև ծառացած մի շարք մարտահրավերների հաղթահարման ուղիների վերաբերյալ...
Ամենաշատ
Partner news