News
Լրահոս
News
Երկուշաբթի
Փետրվար 18
Տեսնել լրահոսը

Մեծ Բրիտանիայի վարչապետ Թերեզա Մեյի դեմ մահափորձ պատրաստող տղամարդը պատրաստվում էր նրան գլխատել՝ նախապես ներթափանցելով Դաունինգ սթրիթ 10-ի վրա գտնվող բրիտանացի վարչապետի լոնդոնյան նստավայրի տարածք, հայտնում է The Independent-ը:

Պարբերականի տեղեկություններով՝ ԻՊ ահաբեկչական խմբավորման համակիր, 20-ամյա Նաիմուր Զաքարիա Ռահմանը ծրագրել էր պայթուցիկ սարքը պայթեցնել վարչապետական նստավայրի դարպասների մոտ, այնուհետեւ պղպեղային գազաբալոնի օգնությամբ չեզոքացնել զինված պահախմբին եւ մտնել շենք:

Ռահմանը կալանավորվել է անցյալ տարվա նոյեմբերին պայթուցիկ սարքի մուլյաժը ստանալիս, որը նրան էր փոխանցել հատուկ ծառայության աշխատակիցը, որը ներկայացել էր որպես նրա համախոհ:

Դատախազ Մայք Հեյվուդը դատական նիստի ժամանակ հայտարարել է, որ կասկածյալը նախկիում որպես հարձակման թիրախներ է դիտարկել ռազմական օբյեկտները եւ բրիտանական ՄԻ-5 հակահետախուզության բրիտանական ծառայության կենտրոնակայանը եւ պատրաստ էր զոհվելուն:

Հեյվուդը ընթերցել է Telegram-ում Ռահմանի նամակագրությունը ՄԻ-5-ի աշխատակցի հետ, որը ներկայացել էր որպես ԻՊ առաջնորդներից մեկը: Այսպես՝ պոտենցիալ ահաբեկիչը հիացել է մահապարտի գործողությամբ, որն ինքնապայթեցում էր կատարել «Մանչեսթեր արենա» փակ մարզադաշտում, որի հետեւանքով 22 մարդ էր զոհվել: Նրան գրավել է նաեւ մահից հետո «72 ուսուցիչների հետ» դրախտում հայտնվելու հեռանկարը: Ռահմանին կասկածում են նաեւ իր 22-ամյա ընկերոջ՝ Մուհամմեդ Աքիբ Իմրանին օժանդակելու մեջ, որ Սիրիայում մտնի ԻՊ շարքերը:

Մեծ Բրիտանիայի վարչապետի դեմ մահափորձի գործով դատաքննությունը սկսվել է երկուշաբթի եւ կտեւի 5 շաբաթ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստանը պետք է Սիրիայից հետ կանչի իր մարդասիրական առաքելությունը ահաբեկչության վտանգի պատճառով. ռազմական փորձագետ
Նրանք քաղաքացիական մասնագետներ են, որոնց շարքերում կան սակրավորներ եւ բժիշկներ…
Շանահանը խոստացել է այսուհետ եւս աջակցել «ԻՊ»-ի դեմ պայքարին
Մենք պետք է ընդունենք, որ «ԻՊ»-ն այսօր փոխում է դեմքը, ասել է Գերմանիայի պաշտպանության նախարարը...
Հնդկաստանի վարչապետը խոստացել է վճռական պատասխան տալ Քաշմիրում կատարված ահաբեկչությանը
Հնդկաստանի կառավարությունը հայտարարել է, որ հարձակմանը Պակիստանի ներգրավվածության վերաբերյալ անվիճելի ապացույցներ ունի...
Ամենայն Հայոց Կաթողիկոսը ցավակցագիր է հղել Իրանի նախագահին
Շուտափույթ ապաքինում ցանկանալով ահաբեկչությունից տուժած վիրավորներին…
Քաշմիրում ահաբեկիչ-մահապարտն ավտոմեքենայով հարվածել է ավտոբուսին․ կա 30 զոհ
Հնդկաստանը Պակիստանին մեղադրում է զինյալներին աջակցելու մեջ․․․
Եվրամիությունը դատապարտել է Իրանում իրագործված ահաբեկչությունը
Չի կարող արդարացում ունենալ այդպիսի վրդովեցուցիչ ահաբեկչական գործողությունը…
Ամենաշատ