News
Լրահոս
News
Հինգշաբթի
Նոյեմբեր 15
Տեսնել լրահոսը

ՀՀԿ խմբակցության քարտուղար Գագիկ Մելիքյանը վրդովվել է, որ  Մանվել Գրիգորյանի անունը կապում են Հանրապետական կուսակցության հետ։ NEWS.am–ի հետ զրույցում պատգամավորը հիշեցրեց, որ հեղափոխությունից հետո Մանվել Գրիգորյանն առաջինը հայտարարեց, որ ինքը ՀՀԿ–ից չէ, պարզապես ՀՀԿ խմբակցությունից է։  Ինչ վերաբերում է Արմավիրի մարզի Արշալույս գյուղում Մանվել Գրիգորյանի ամառանոցում Ազգային անվտանգության ծառայության բացահայտումներին, Մելիքյանը հավատացրեց, թե նման դեպքում անգամ իր եղբորը ամենախիստ ձեւով կդատապարտեր։ 

Հիշեցնենք, որ ԱԱԾ–ն բացահայտել էր անօրինական զենք զինամթերք, ինչպես նաեւ մեծ քանակով  խտացրած կաթ եւ պահածոյացված միս, որը ապրիլյան պատերազմի ժամանակ քաղաքացիները  հավաքել են  առաջնագիծ ուղարկելու նպատակով։

Մեր հարցին՝  կարո՞ղ է պնդել, որ Սերժ Սարգսյանը այս ամենից տեղյակ չի եղել. Մելիքյանն արձագանքեց. «Ես ոչինչ չեմ պնդում եւ որեւէ բան պնդելու հիմք չունեմ։ Դուք էլ մի պնդեք եւ նման հարց մի տվեք։ Ինձ համար երեւույթը անընդունելի ու դատապարտելի է: Ովքեր կապված են դրա հետ, պետք է խստագույնս պատասխանատվության ենթարկվեն»,–վրդովված պատասխանեց Գագիկ Մելիքյանը։

Հիշեցնենք, որ Մանվել Գրիգորյանը կալանավորված է, նա մեղադրվում է ապօրինի զենք-զինամթերք պահելու եւ առանձնապես խոշոր չափի յուրացում կատարելու մեջ:

Տպել
Կարդացեք նաև
Ամբողջը
Չի բացառվում, որ ԱՄՆ-ն Իրանի հարցով ոճնշում գործադրի Հայաստանի վրա. Ռուբեն Սաֆրաստյան
Ինչ վերաբերում է հայ-թուրքական հարաբերությունների կարգավորմանը, ապա, նրա կարծիքով, Վաշինգթոնը հազիվ թե այդ ուղղությամբ նոր ջանքեր գործադրի...
ԱԺ պատգամավորների 1/3–ը Փաշինյանին առաջադրել է վարչապետի թեկնածու
Այսօր ժամը 18։00–ին լրանում է առաջադրումների ժամկետը...
Բարեփոխումների համար ՀՀ-ին պետք է եկամտաբեր տնտեսություն ու կայուն արտաքին քաղաքականություն. Քննարկում Վաշինգթոնում
Որպեսզի երկիրը կարողանա վճարել Փաշինյանի վարչակազմի հայտարարած արդարադատության ոլորտի բարեփոխումների, հակակոռուպցիոն քաղաքականութան եւ վստահության մեծացման համար...
Քոչարյանը՝ Փաշինյանի արտաքին քաղաքականության մասին. Առայժմ ռեալ, նյութական արդյունքներ չեմ տեսնում
Կդատենք ըստ արդյունքների, այլ ոչ թե այս կամ այն քաղաքական գործիչի պատմությունների…
Նիկոլ Փաշինյանի եւ նրա թիմի գործողություններն ակտիվացրեցին քաղաքականություն վերադառնալուս գործընթացը. Քոչարյան
Մեր ազգը զգացմունքային է, նրան հեշտ է ինչ-որ բանով ոգեւորել, կառավարել նրա զգացմունքները, բայց թե որքանով հեռու կգնար այս գործընթացը, հարկավոր էր հասկանալ...
Այս բեմադրությունը կխաղան եւ արտահերթ ընտրություններ կնշանակեն. Ռոբերտ Քոչարյան
Քանի որ մյուս ուժերը բավարար քաղաքական կամք չդրսեւորեցին եւ իրար հետ չհամագործակցեցին՝ դա թույլ չտալու համար…
Partner news