Աբովյանի ստորգետնյա գազապահեստ-կայանում 2011 թվականին նախորդ տարվա համեմատ ավելացել են պահեստավորված գազի ծավալները՝ կազմելով 132,5 մլն խմ: Այդ մասին նշված է «ՀայՌուսգազարդի» պաշտոնական կայքէջում։
Ծավալի ավելացումը պայմանավորված է գազապահեստարանում ամենամեծ ու տարողունակ նոր հորի կառուցմամբ, որի շինարարությունը սկսվել էր դեռեւս 2006 թվականին եւ շահագործման հանձնվեց անցած տարվա հոկտեմբերին:
Ստորգետնյա գազապահեստարանի տարողունակությունը ներկայում հասցվել է 140 մլն. խ. մ-ի: 2010 թվականի ընթացքում ստորգետնյա պահեստարան-կայանում աշխատանքներ իրականացնելու նպատակով ներդրվել է 643 մլն դրամ (մոտ 1,7 մլն դոլար):
2011-2013 թվականներին կշարունակվեն լվացման աշխատանքները եւս երկու ստորգետնյա հորերում, ինչը երեք տարի անց հնարավորություն կընձեռի եւս 42-43 մլն խմ-ով ավելացնել գազի պահեստավորման ծավալները:
