Արհեստական ինտելեկտի նոր DeepCube համակարգը սովորել է ինքնուրույն 44 ժամում Ռուբիկ խորանարդ հավաքել, հաղորդում է Gizmodo-ն:
Սթիվեն Մակալիրի գլխավրությամբ ծրագրավորողները արհեստական ինտելեկտի համակարգ են ստեղծել, որը կարող է 30 քայլով Ռուբիկ խորանարդ հավաքել: Մոտավորապես նույնքան շարժումներ են անում նաեւ մարդիկ, որոնք պրոֆեսիոնալ սպիդկուբինգով են զբաղվում:
Երբ DeepCube-ը քայլ է անում, համակարգը ավտոմատ հաշվարկում է, թե ինչ արդյունքի դա կհանգեցնի: Այն փաստացի «թռնում է» այն վիճակին, երբ գլուխկոտրուկը լուծված է, իսկ հետո վերադառնում է առաջարկված շարժմանը:
Ուսուցման ընթացքում DeepCube-ը 44 ժամում մոտ 1 մլն Ռուբիկ խորանարդ է լուծել:
