Կան մարդիկ, որոնք հայտարարել են, որ Հայաստանում ներդրումներ են անելու եւ խոսքը բավական մեծ ներդրումների մասին է: Այս մասին, այսօր՝ հունիսի 21-ին, կառավարության շենքի դիմաց լրագրողների հետ զրույցում նշեց Տնտեսական զարգացման եւ ներդրումների նախարար Արծվիկ Մինասյանը:
«Ես անուններ չեմ հրապարակի, ներդրումները կլինեն, դուք կտեսնեք: Դա վերաբերում է թե արդյունաբերության, թե զբոսաշրջության, թե բարձրարժեք ծառայությունների ոլորտներին: Բավական մեծ ներդրումների մասին է խոսքը:
Գրեթե բոլոր զարգացած երկրներից ունենք ներդրման ցանկություն հայտնողներ, իսկ արդեն կոնկրետ ծրագրերով հանդես եկողները թե Եվրոպայից են, թե ԱՄՆ-ից, թե Ռուսաստանից ու Չինաստանից»,-հայտարարեց Արծվիկ Մինասյանը:
