Հաշվի առնելով, որ առաջնագծում խնդիր ունենք, պետք է թիկունքը ճիշտ կազմակերպվի եւ թիկունքում խախտումներ, հանցագործություններ տեղի չունենան: Այս մասին այսօր՝ հունիսի 21-ին, լրագրողների հետ զրույցում ասել է Պետական վերահսկողության ծառայության ղեկավար Դավիթ Սանասարյանը՝ անդրադառնալով ՊՆ-ում սպասվող ստուգումների մասին:
«Շատ հարգելի կարծիք է պարոն Միքայելյանի կարծիքը, բայց մենք մեր առաջնահերթությունները ունենք, ու հաշվի առնելով, որ առաջնագծում խնդիր ունենք , պետք է թիկունքը ճիշտ կազմակերպվի եւ թիկունքում խախտումներ, հանցագործություններ տեղի չունենան : Մենք ուզում ենք, որ նոր նախարարը ամբողջովին մաքրված անցնի գործի, իրականացնի իր լիազորությունները եւ մտքում չլինեն այն բոլոր մտահոգությունները, որ թիկունքում արվել են շատ-շատ խախտումներ, օրենքի լուրջ խախտումներ, այնպես, որ մենք ոչ թե գնում ենք վնասելում,, ինչ-որ մեկին ինչ-որ բան ապացուցելու, մենք ունենք մեր ինֆորմացիները , հենց էն կարեւորությամբ երկրի համար դրա համար մենք ուզում ենք, որ ՊՆ-ն լինի մաքուր ՊՆ-ն լինի ուժեղ եւ այն մսխումները,որ տեղի են ունեցել վերադարձվի բյուջե»,- ասաց նա:
Լրագրողին դիտարկմանը, թե ներկայիս պաշտպանության նախարարը ախատել է նախկին նախարարի հետ եւ արդյոք պատասխանատվություն չի կրում, Դավիթ Սանասարյանը ասաց, որ իրենք նախարարի հետ որեւէ խնդիր չունեն:
«Եթե էս փոփոխություններից հետո մենք պետք է նայենք, որ էս նախարարը մեր ընկերն է, էն նախարարը մեր բարեկամն է, այդ դեպքում ինչի՞ եղան այս փոփոխությունները: Եթե իմ հեղափոխական ընկերները, որոնց հետ ես ճանապարհ եմ անցել, իրենց կառույցներում խախտումներ, թերացումներ կանեն, բնականաբար պատասխանատվություն կկրեն»,-ասաց նա:
Դավիթ Սանասրայնը հավելեց, որ իրենք օրինապահ մարմին չեն եւ ուսումնասիրության արդյունքում ձեռք բերված բոլոր տվյալները ներկայացնելու են վարչապետին, նա էլ ընթացքի վերաբերյալ կտեղեկացնի, կամ կշարունակի իրավապահ մարմինների հետ աշխատանքը:
«Անձամբ ես որեւէ կաշկանդվածություն չունեմ եւ , անկախ նրանից՝ որ ոլորտում ով է պաշտոնյան, եւ պետք է օր առաջ մաքրել ողջ պետական համակարգը: Ասեմ, որ սա աննախադեպ է, սյուռեալիզմի շարքից է, որ նախարարները իրենք են խնդրում, որ առաջինը իրենց մոտ գնանք»,-ասաց նա: