News
Լրահոս
News
Ուրբաթ
Սեպտեմբեր 21
Տեսնել լրահոսը


Սկզբունքայնությունն ունի նպատակ՝ բարեփոխել օրենքը, եւ եթե քայլեր կան, որոնք ծառայելու են բարեփոխելու նպատակին, ապա դա է առաջնայինը: Այս մասին, այսօր՝ հունիսի 21-ին, կառավարության նիստից հետո լրագրողների հետ զրույցում հայտարարեց Աշխատանքի եւ սոցիալական հարցերի նախարար Մանե Թանդիլյանը՝ անդրադառնալով դիտարկմանը, որ նախարարի պաշտոնից իր հրաժարականը սկզբունքային քայլ էր դիտվել, իսկ հիմա ինքը շարունակելու է պաշտոնավարել:

«Բազմաթիվ անգամներ եմ ասել՝ պետության շահն առաջնային է ինձ համար, առաջնային է կուտակային համակարգի՝ այնպիսի տեսքով ներդրումը, որն ընդունելի կլինի լայն հասարակության համար»,-ասաց նա:

Հարցին, թե իրենց կողմից ներկայացվելիք նախագծում կուտակային համակարգի պարտադիր բաղադրիչը չի՞ լինելու, Թանդլյանն արձագանքեց, որ կներկայացնի նախագիծը, պարզ կլինի. «Անհրաժեշտություն կա, որ համակարգը ներդրվի այն տեսքով, որ նոր միացողների համար ընդունելի լինի, սակայն մենք ունենք պայմանավորվածություն վարչապետի հետ, որ աշխատանքները շարունակվեն՝ դիտարկելով նաեւ իրավական կողմը: Մենք պետք է բերենք այն տեսքի, որ հանրության համար ընդունելի լինի: Այո, մեր նախագծում մարդկանց կամարտահայտության սկզբունքը լինելու է, իսկ թե ինչ տեսքով, կտեսնեք»:

Նախարարն ասաց, որ նախատեսում են մաքսիմալ սեղմ ժամկետներում քննարկումներ սկսել: «Նախարարի կարգավիճակով խնդիրներն ավելի արագ են լուծումներ ստանում: Նորից եմ ասում, որ կենսաթոշակային համակարգը սոցիալական ոլորտի ամենամեծ խնդիրը չէ, այլ խնդիրներ եւս կան։ Հանդիպելու եմ այն մարդկանց հետ, որոնք, փաստացի, առաջարկներ ունեն, կամփոփենք եւ կունենանք այնպիսի պատկեր, որ լինի ընդունելի տարբերակ»,-ասաց նա՝ հավելելով, որ «Լուսավոր Հայաստանից» դուրս գալու իր դիմումն այլեւս ժամանակավրեպ է, ինքը մնում է կուսակցության անդամ: «Եթե ես կառավարության անդամ եմ, որին ներկայացրել է «Լուսավոր Հայաստան» կուսակցությունը, հետևաբար՝ տրամաբանությունը շատ պարզ է և ակնհայտ երևում է։ Դիմումը տրամաբանորեն պետք է ուղարկվեր հրաժարականի ընդունումից հետո»,-ասաց նա:

Ավելի վաղ NEWS.am-ը հայտնել էր, որ այսօր՝ հունիսի 21-ին, կառավարության նիստում Նիկոլ Փաշինյանը հայտարարեց, որ չի ստորագրել ՝ անդրադառնալով Աշխատանքի եւ սոցիալական հարցերի նախարար Մանե Թանդիլյանի հրաժարականի դիմումը: Նա նշել էր, որ խոսել է Թանդիլյանի հետ եւ եկել են համաձայնության, որ վերջինս շարունակի պաշտոնավարել:

Հիշեցնենք, որ Աշխատանքի եւ սոցիալական հարցերի նախարարի պաշտոնից Մանե Թանդիլյանը հրաժարվեց հենց այն պատճառով, որ ի սկզբանե դեմ է եղել կուտակային կենսաթոշակային համակարգի պարտադիր բաղադրիչին: Այդուհանդերձ, պարտադիր բաղադրիչը օրենքում ներառված է եւ ուժի մեջ կմտնի հուլիսի 1-ից: ԱԺ-ն այսօր երկրորդ ընթերցմամբ եւ ամբողջությամբ ընդունվեց այդ օրինագիծը:

Տպել
Կարդացեք նաև
Ամբողջը
Ուրիշ Հայաստան. մերժված հնի եւ չստեղծվող նորի միջեւ. «Մերժիր Սերժինը» սահուն վերածվում է «Մերժիր բոլորին»
Մենք արդեն մի որոշ ժամանակ է՝ ապրում ենք ուրիշ Հայաստանում. հինը մերժել ենք, նորը չենք ստեղծում...
Փաշինյանն ամենախարիզմատիկ լիդերն է, իսկ Սամվել Ալեքսանյանը՝ մրցակիցը չունեցող կազմակերպիչը. Հովհաննես Մանուկյան
Այդ փաստը չի հարցնում ոչ ոքի համաձայնությունը…
Փաշինյանի համար իր լոկալ քաղաքական շահերը շատ ավելի կարեւոր են, քան ՀՀ արտաքին քաղաքականությունը. Աշոտյան
Ափսոս, որ Թրամփի հետ պաշոտնական հանդիպումը այդպես էլ չի ստացվում...
Փաշինյանի բոլոր հանրահավաքները կիսով չափ նվիրված են ինձ. Քոչարյան
«Որքան ես հասկանում եմ, նրան մտահոգում են իմ նախագահության ժամանակ ձեռք բերված արդյունքները: Եվ հասարակության զգալի մասը...
Քոչարյան. Փաշինյանը կարող է երկնաքար կամ գիսաստղ լինել, որը շատ արագ այրվում է
Հարցին՝ արդյոք վարչապետ նիկոլ Փաշինյանը նման արեւ է, Քոչարյանն ասել է, որ նրան չէր համեմատի արեւի հետ...
Հակահեղափոխության սպառնալիքով մինչեւ գարուն ինչ-որ կերպ կարող են ձգել, ոչ ավելին. Ստեփան Դանիելյան
Նիկոլը ճիշտ պահին ճիշտ տեղում էր հայտնվել ու դրսեւորեց անհրաժեշտ վճռականություն ու համառություն: Հիմա իրավիճակ է փոխվել...
Ամենաշատ
Partner news