News
Լրահոս
News
Երկուշաբթի
Սեպտեմբեր 24
Տեսնել լրահոսը

Հայաստանի կառավարությունը պատրաստակամ է շարունակել իրագործել Եվրոպայի խորհրդի առջև ստանձնած պարտավորությունները: Այս մասին հունիսի 18-20-ն աշխատանքային այցով Ֆրանսիայում գտնվող ՀՀ արդարադատության նախարար Արտակ Զեյնալյանն ասել է Եվրոպայի խորհրդի գլխավոր քարտուղարի տեղակալ Գաբրիելա Բատաինի-Դրագոնիի հետ հանդիպմանը:

Նախարարը նշել է, որ Հայաստանի կառավարությունը բարձր է գնահատում արդարադատության, մարդու իրավունքների պաշտպանության, կոռուպցիայի դեմ պայքարի, քրեակատարողական համակարգի բարեփոխումների ոլորտում Եվրոպայի խորհրդի հետ ձևավորված արդյունավետ համագործակցությունը և ընդգծել, որ կառավարությունը պատրաստակամ է շարունակելու իրագործել Եվրոպայի խորհրդի առջև ստանձնած պարտավորությունները: Զրուցակիցներն անդրադարձել են ամփոփման փուլում գտնվող 2015-2018 թթ. ԵԽ-Հայաստան Գործողությունների ծրագրին, 2019-2022 թթ. Գործողությունների ծրագրի ոլորտային առաջնահերթություններին, ինչպես նաև կոռուպցիայի դեմ պայքարին ուղղված աշխատանքներին:

Արտակ Զեյնալյանն ընդգծել է նաև հնարավորինս կարճ ժամկետներում արտահերթ խորհրդարանական ընտրություններ անցկացնելու անհրաժեշտությունը, նշել, որ այն պետք է հիմնված լինի ընտրական օրենսգրքի և ընտրական համակարգի էական բարեփոխումների վրա՝ այդ համատեքստում կարևորելով Եվրոպայի խորհրդի աջակցությունը ՀՀ-ում ժողովրդավար, արդար և թափանցիկ ընտրություններ անցկացնելու գործում: 

Արդարադատության նախարարը հանդիպել է նաև Մարդու իրավունքների եվրոպական դատարանի նախագահ Գիդո Ռայմոնդիի հետ: Արտակ Զեյնալյանը գործընկերոջ հետ անդրադարձել է ՄԻԵԴ-ի կողմից Հայաստանի Հանրապետության վերաբերյալ կայացված վճիռներին և դրանց կատարման ընթացքին: Երկուստեք ընդգծվել է, որ Եվրոպայի խորհրդի համապատասխան կառույցների հետ ակտիվ համագործակցության արդյունքում ունեցած ձեռքբերումներն ակնհայտ են:

Նախարարն աշխատանքային այցի շրջանակում հանդիպել է նաև ԵԽ Մարդու իրավունքների և իրավունքի գերակայության գլխավոր տնօրեն Քրիստոս Ջակումոպուլոսի, ինչպես նաև ԵԽ ժողովրդավարության գլխավոր տնօրեն Սնեժանա Սամարջիչ-Մարկովիչի հետ: Վերջիններիս հետ քննարկումը ծավալվել է Հայաստանում մարդու իրավունքների պաշտպանության, քրեակատարողական, պրոբացիայի և դատաիրավական ոլորտներում ընթացող բարեփոխումների շուրջ:

Տպել
Կարդացեք նաև
Ամբողջը
ԵԽԽՎ Հայաստանի հարցով համազեկուցողները փաստահավաք առաքելությամբ Երեւան կգան. Արփինե Հովհաննիսյան
ԵԽԽՎ մոնիթորինգային հանձնաժողովը, ՀՀ վերջին ներքաղաքական զարգացումների վերաբերյալ իրականացված...
ԵԽԽՎ-ում ԱԱԾ եւ ՀՔԾ ղեկավարների ձայնագրությունը քննարկվել է, երբ արդեն հաստատվել էր դրա իսկությունը. Ա. Հովհաննիսյան
Ընդհանուր պրակտիկան այն է, որ բոլոր ժամանակներում նշված զեկույցները պատրաստելիս միշտ էլ լսելի էին եղել երկրում տիրող իրադարձությունների վերաբերյալ թե՛ քաղաքական իշխանության...
Թող ԵԽԽՎ–ն գա եւ մոնիտորինգ իրականացնի. պետք է պարզել ճշմարտությունը. Արամ Սարգսյան
Ես երբեք այն տեսակետին չեմ եղել, որ պետք է ամեն գնով հաղթել...
Հայաստանի հարցն արտահերթ կքննարկվի ԵԽԽՎ մոնիտորինգային հանձնաժողովում. Արփինե Հովհաննիսյան
Ներկայացրել եմ փաստեր, տեսանյութեր, հրապարակումներ...
ԵԽԽՎ-ում ՀՀ ԱԺ պատվիրակության ղեկավարը հայտարարում է մրցույթ
Խոշտանգումների եւ անմարդկային կամ նվաստացնող վերաբերմունքի կամ պատժի կանխարգելման եվրոպական հանձնաժողովում (CPT) Հայաստանի ներկայացուցչի տեղի համար...
Հայաստանի բարձրագույն դատարանները կարող են դիմել ՄԻԵԴ խորհրդատվական եզրակացության համար
Օգոստոսի 1-ին ուժի մեջ է մտնում № 16 արձանագրությունը…
Ամենաշատ
Partner news