«Ելք» խմբակցության պատգմավոր Էդմոն Մարուքյանը կարծում է, որ մարզերից պատգամավորների մասնակցությունը պետք է ապահովվի խորհրդարանում եւ դրա համար պետք է քննարկվեն մեխանիզմներ, որ դա պահպանվի։ Այսօր Ազգային ժողովում այս մասին լրագրողների հետ զրույցում հայտարարել է Էդմոն Մարուքյանը։
«Մտահոգությունը, որ ներկայացվում է այլ ուժերի կողմից դա այն է, որ մարզային ներկայացվածությունը տուժի, եւ դրա համար եթե ընդունվի 100 տոկոս համամասնական ընտրակարգ։ Կան կուսակցություններ եւ այդ բեռը իրենց վրա վերցնեն կամ մեխանիզմ մտածեն այդ չափորոշիչը պահպանեն, մյուս տարբերակը, որ ռեյտինգայինը լինի հանրապետության տարածքով մեկ։ Օրինակ եթե իմ թեկնածությունը առաջադրվի, կարողանան քվեարկել բոլոր գյուղերից եւ քաղաքներից ռեյտինգայինի տրամաբանության մեջ։ Սա համապետական ռեյտինգային ընտրակարգի տարբերակ է։ Այն ռեյտինգայինը, որ քննարկել ենք, տարածքային է, կոնկրետ տարածքում եւ կոնկրետ մարդիկ պետք է քվեարկեն»,–մեկնաբանել է Էդմոն Մարուքյանը։
Նշենք, որ վարչապետին առընթեր աշխատանքային խմբի քարտուղար Դանիել Իոաննիսյանը օրեր առաջ լրագրողների հետ զրույցում հայտարարել է, որ տարածքային բաց ցուցակների ընտրակարգով ընտրված պատգամավորները իրենց չեն արդարացրել եւ երբեւէ չի եղել դեպք, որ նրանք հայտարարեն, որ օրենսդիրում ընդունված որեւէ օրենք չի բխում որեւէ տարածքի բնակիչների շահերից, Մարուքյանը պատասխանեց, որ այդպես է եղել, քանի որ միլիարդատերերն են առաջադրվել, եթե իրապես քաղաքական դեմքեր լինեն, ապա մարզային ներկայացվածությունը արդարացված է լինելու։