Ամառային արձակուրդների շրջանին ընդառաջ Beeline-ը հայտարարում է թարմացված «Ռոումինգ փաթեթ» ծառայության գործարկման մասին։ Գտնվելով ռոումինգում՝ Beeline-ի բջջային կապի կանխավճարային եւ հետվճարային բաժանորդները կարող են շահավետ սակագներով ընդունել բոլոր մուտքային զանգերն ու զանգեր կատարել դեպի Հայաստան, տեղական ուղղություններով, ինչպես նաեւ օգտվել բջջային ինտերնետից։ Beeline-ն այս տարի հատուկ ուշադրություն է դարձրել հատկապես ինտերնետի սակագներին։
Զանգերի արժեքը ծառայության շրջանակում կազմում է 150 դր/րոպե, իսկ ինտերնետը հասանելի է 10 դր/ՄԲ սակագնով։
«Ամառային արձակուրդների շրջանը սկսվում է, եւ Beeline-ն ուրախ է առաջարկել բարելավված «Ռոումինգ փաթեթ» ծառայությունը, որում հիմնական շեշտը դրել ենք ռոումինգում բջջային ինտերնետի արժեքի վրա։ Հետադարձ կապը մեր հաճախորդներից ցույց է տալիս, որ ամենից շատ նրանց հետաքրքրում է հենց համացանցից օգտվելը, եւ ես հույս ունեմ, որ մեր նոր առաջարկը կդարձնի ռոումինգն էլ ավելի պարզ ու շահավետ, իսկ մեր հաճախորդների հանգիստը՝ ավելի հաճելի», - նշեց Հայաստանում Beeline-ի Գլխավոր տնօրեն Անդրեյ Պյատախինը։
«Ռոումինգ փաթեթ» ծառայությունը գործելու է Եվրոպայի եւ Հյուսիսային Ամերիկայի երկրներում, ինչպես նաեւ ԱՄԷ-ում, Եգիպտոսում, Շրի Լանկայում, Իրանում, Ավստրալիայում, Բրազիլիայում, Իսրայելում, Չինաստանում եւ Թուրքիայում՝ այդ երկրների ցանկացած օպերատորներին միանալիս։
«Ռոումինգ փաթեթ» ծառայությունը միացնելու համար կանխավճարային բաժանորդները պետք է հավաքեն 255# հրահանգը։ Օրվա ընթացքում օգտագործած ծավալի մասին տեղեկություն կարելի է ստանալ 215# հրահանգով։ Հետվճարային բաժանորդները կարող են ծառայությունը ակտիվացնել *245# հրահանգով։
Ծառայությունը հասանել է մինչեւ 2018 թ․ հոկտեմբերի 31-ը ներառյալ։
Հիշեցնենք, որ Beeline-ի հաճախորդները ռոումինգում ցանկացած երկրից կարող են անվճար զանգահարել բաժանորդների սպասարկման կենտրոն +374 8000 0612 համարով։
