Բրիտանիան գտնվում է «անկանոն բրեքսիթի» գործընթացում եւ կոչ է անում կառավարությանը դադարեցնել խաղալ ժամանակ ձգելու համար։ Այսպիսի կարծիք է հայտնել Գերմանիայի արդյունաբերության դաշնության գլխավոր տնօրեն Յոախիմ Լանգը, փոխանցում է AP–ն։
Նրա խոսքով, վտանգ կա, որ հաջորդ տարվա մարտին Բրյուսելն ու Լոնդոնը դատարկ ձեռքերով կմնան։ Հենց 2019 թվականի մարտին պետք է ավարտվի ԵՄ–ից Բրիտանիայի ելքը։
Լանգը նշել է, որ Միացյալ Թագավորությունը հանրաքվեից հետո չի վերահսկում անկանոն բրեքսիթը։ Նա գտնում է, որ Լոնդոնը պետք է համաձայնվի, որ միայն Մաքսային միությունն ու ԵՄ ներքին շուկան թույլ կտան նրան լուծել իռլանդական սահմանի առանցքային հարցը։ «Բրիտանական կառավարությունը դեռեւս ժամանակ է ձգում: Այս ռազմավարությունը աղետի է տանում: Անհրաժեշտ է կուրսի հստակ շտկում իրականացնել»,–շեշտել է Լանգը։
