News
Լրահոս
News
Հինգշաբթի
Նոյեմբեր 22
Տեսնել լրահոսը

Վերջերս  իրանական  կողմի  հետ  կայացած աշխատանքային հանդիպում-քննարկումների արդյունքում նոր  թափ են ստացել Իրան-Հայաստան 400 կՎ լարման էլեկտրահաղորդման օդային գծի և ենթակայանի կառուցման աշխատանքները:

«Իրան-Հայաստան 400 կՎ գծի և համապատասխան ենթակայանի կառուցման» ծրագրի շրջանակներում Իրանից Հայաստան են ներկրվում էլեկտրահաղորդման գծի շինարարության համար անհրաժեշտ ապրանքներն ու սարքավորումները: Մայիսից վերսկսվել են լայնածավալ շինարարական աշխատանքներ: Ընթացքի մեջ են նաև հենարանների համար անհրաժեշտ հողակտորների ձեռքբերման աշխատանքերը, մասնավորապես, նախատեսված 745 հողակտորներից ձեռք է բերվել 693-ը:

Էլեկտրահաղորդման գծի շինարարությունը բաժանված է վեց հատվածների և ընդգրկում է ՀՀ Գեղարքունիքի, Վայոց Ձորի, Սյունիքի մարզերը:

Էլեկտրահաղորդման օդային գծի` Հայաստանում կառուցվող հատվածի երկարությունը շուրջ 279 կմ է, որի իրականացման գլխավոր կապալռուն՝ իրանական «Սանիր» ընկերությունն է:   Ծրագրի արժեքը կազմում է՝ 107,9 մլն. եվրո:            

Գծի կառուցումը նպատակաուղղված է գազ-էլեկտրաէներգիայի դիմաց ծրագրով հայկական կողմի ստանձնած պարտավորությունների կատարմանն ու տարածաշրջանային համագործակցության ապահովմանը:

Իրան-Հայաստան 400 կՎ երկշղթա էլեկտրահաղորդման գծի և 400 կՎ «Նորավան» ենթակայանի կառուցումը հնարավորություն կտա երկու երկրների էներգահամակարգերի միջև էլեկտրաէներգիայի փոխանակման հզորությունը հասցնել 1200 ՄՎտ-ի, միաժամանակ բարձրացնել էներգահամակարգերի զուգահեռ աշխատանքի հուսալիությունը և Հայաստանի Հանրապետության էներգետիկ անվտանգության մակարդակը:

Նշենք, որ ՀՀ էներգետիկ ենթակառուցվածքների և բնական պաշարների նախարարությունը շարունակելու  է  հետևողական լինել, որպեսզի շինարարական  աշխատանքներն իրականացվեն որակյալ և սահմանված ժամանակացուցին համապատասխան:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԱՄՆ-ն հասկանում է Իրանի հետ էներգետիկայի ոլորտում համագործակցելու Հայաստանի անհրաժեշտությունը
Ըստ նրա, պատժամիջոցները չեն կարող հայ-իրանական համատեղ էներգետիկ նախագծերի իրականացման ժամանակ խնդիրներ առաջացնել...
Հույս ունեմ, որ մեր ամերիկացի գործընկերներն ըմբռնումով են մոտենում մեր իրավիճակին. Փաշինյանն՝ Իրանի մասին
Պետք է ինտենսիվ զարգացնենք այդ հարաբերություննեը, եւ այդ հարաբերությունները պետք է լինեն փոխշահավետ...
Իրանը Հայաստանի կարեւոր գործընկերն է. Մնացականյան
«Մենք առաջիններից ենք, որ 2015-ին ողջունել ենք միջուկային համաձայնագրի բանակցություններում առաջընթացը...
Հայաստանի եւ Իրանի գլխավոր դատախազները Թեհրանում համագործակցության ծրագիր են ստորագրել
Արթուր Դավթյանն իր գործընկերոջը շնորհակալություն է հայտնել ջերմ ընդունելության համար եւ համոզվածություն հայտնել, որ հանդիպումը...
Հայաստանի եւ Իրանի քննչական մարմինները սերտացնում են համագործակցությունը. Հանդիպում ՔԿ-ում (ֆոտո)
ՔԿ նախագահի տեղակալն ընդունել է Հայաստանում Իրանի Իսլամական Հանրապետության դեսպանության գործերի ժամանակավոր հավատարմատարին...
ԱԳՆ-ն՝ Իրանի նկատմամբ պատժամիջոցների մասին. Հայաստանը բաց երկխոսության մեջ է
«Մենք արդեն հայտարարել ենք, որ ուշադիր հետեւում ենք պատժամիջոցների շուրջ ընթացող գործընթացներին...
Partner news