News
Լրահոս
News
Հինգշաբթի
Փետրվար 21
Տեսնել լրահոսը

ՀՀ քննչական կոմիտեի ՀԿԳ քննության գլխավոր վարչությունում քննվող քրեական գործով ձեռնարկված մեծածավալ քննչական գործողությունների արդյունքում պարզվել են Վանաձոր քաղաքի բնակչին առեւանգելու, ավազակությամբ գույքը հափշտակելու դեպքի հանգամանքները. մեղադրանք է առաջադրվել 4 անձի, եւս մեկի նկատմամբ հայտարարվել է հետախուզում։

ՀՀ Քննչական կոմիտեից NEWS.am-ին հայտնում են, որ Վանաձորի բնակչի առեւանգումը տեղի է ունեցել 2017թ. սեպտեմբերի 5-ին. մի խումբ անձինք առեւանգել են տղամարդուն, ապա նաեւ՝ բռնության գործադրմամբ հափշտակել նրա գույքը։

Քննությամբ պարզվել է ենթադրյալ հանցագործություն կատարած անձանց շրջանակը, անհատականացվել նրանց գործողություններն ու առնչությունը տուժողի հետ։

Նախնական քննությամբ փաստական տվյալներ են ձեռք բերվել առ այն, որ Լոռու մարզի 5 բնակիչները, տեղեկանալով, որ իրենց ծանոթը՝ Վանաձոր քաղաքի բնակիչը, բանկից ստացել է 300 հազար դրամ վարկ եւ կանխիկացրել, նախնական համաձայնություն են ձեռք բերել այն հափշտակելու հարցի շուրջ: Պլանավորվածի համաձայն՝ ենթադրյալ հանցագործություն կատարած անձինք Վանաձորի բնակչին առեւանգել են, նրա կամքին հակառակ տեղափոխել տարբեր վայրեր եւ պահանջել հանձնել գումարը: Ստանալով մերժում՝ բռնություն է գործադրվել նրա նկատմամբ՝ բազմաթիվ հարվածներ հասցնելով մարմնի տարբեր մասերին, այնուհետեւ տղամարդու թաքցրած տեղից գտել են գումարը եւ հափշտակել այն:

Բացի այդ, իրականացված օբյեկտիվ քննության արդյունքում պարզվել է, որ ենթադրյալ հանցագործություն կատարած անձանցից մեկը, տեղեկանալով, որ կատարվածի մասին հայտնի է դարձել իրավապահներին, հանդիպել է Վանաձորի բնակչին եւ սպառնացել նրա, նրա ընկերուհու կյանքի եւ առողջության համար վտանգավոր բռնություն գործադրել՝ պահանջելով դեպքի հանգամանքների վերաբերյալ սուտ տեղեկություններ տրամադրել վարույթն իրականացնող մարմնին:

Ձեռք բերված բավարար ապացույցների հիման վրա՝ մեղադրանք է առաջադրվել 4 անձի. նրանցից երեքին մեղադրանք է առաջադրվել ՀՀ քրեական օրենսգրքի 131-րդ հոդվածի 2-րդ մասի 1-ին, 7-րդ կետերով եւ 175-րդ հոդվածի 2-րդ մասի 1-ին կետով, իսկ չորրորդին՝ ՀՀ քրեական օրենսգրքի 340-րդ հոդվածի 2-րդ մասով: Նրանց մասով հայտարարվել է նախաքննության ավարտի մասին, եւ քրեական գործը՝ մեղադրական եզրակացությամբ, ուղարկվել է նախաքննության օրինականության նկատմամբ հսկողություն իրականացնող դատախազին:

5-րդ մասնակիցը որպես մեղադրյալ է ներգրավվել ՝ ՀՀ քրեական օրենսգրքի 131-րդ հոդվածի 2-րդ մասի 1-ին, 7-րդ կետերով եւ 175-րդ հոդվածի 2-րդ մասի 1-ին կետով, նրա նկատմամբ հայտարարվել էր հետախուզում: 2018 թվականի ապրիլի 8-ին ՌԴ ՆԳՆ Մոսկվա քաղաքի մետրոպոլիտենի ոստիկանության թիվ 5-րդ բաժնի ծառայողների կողմից վերջինս հայտնաբերվել է : Քննարկվում է նրան Հայաստան տեղափոխելու հարցը։

Տպել
Կարդացեք նաև
Ամբողջը
Ինքնաձիգի գործադրմամբ սպանության փորձ՝ Տավուշում. դեպքի վայրում գտել են 30 փամփուշտ, կրակված պարկուճներ, վնասված Lexus
Կրակոցներ արձակողն այնուհետեւ դիմել է փախուստի…
Հանցագործները թալանել են Վենեսուելայի հյուպատոսարանն Էկվադորում
Յոթ հանցագործ ներխուժել է Վենեսուելայի հյուպատոսարան եւ գողացել փողերը...
Նոր Հաճնի կամրջի տակ 25-ամյա երիտասարդի դի են հայտնաբերել
Դեպքի վայր է մեկնել ԱԻՆ ՓԾ հրշեջ-փրկարարական ջոկատի օպերատիվ խումբը…
Չինական Ցզիան քաղաքում դանակով զինված տղամարդը հարձակվել է մարդկանց բազմության վրա
11 տուժածներին հոսպիտալացրել են…
Չինաստանի Զինված ուժերի շտաբի նախկին ղեկավարը ցմահ ազատազրկման է դատապարտվել
Ռազմական դատարանը նրան ցմահ ազատազրկման է դատապարտել, մինչեւ կյանքի վերջ զրկել քաղաքական իրավունքներից եւ հրամայել առգրավել նրա բոլոր անձնական ակտիվները...
Մեկ օրում բացահայտվել է 55 հանցագործություն. Անձի առեւանգում, թմրանյութ, կաշառաերություն
Անցած 1 օրվա ընթացքում հանրապետությունում արձանագրվել է ճանապարհատրանսպորտային 13 պատահար, ինչի հետևանքով 3 մարդ զոհվել է, 14-ը՝ ստացել տարբեր աստիճանի մարմնական վնասվածքներ...
Ամենաշատ