News
Լրահոս
News
Հինգշաբթի
Փետրվար 21
Տեսնել լրահոսը

ՀՀԿ խմբակցության պատգամավոր Գալուստ Սահակյանը կարծում է, որ ԱԺ ՀՀԿ խմբակցության նախկին պատգամավոր, գեներալ Մանվել Գրիգորյանի առանձնատան խուզարկության տեսանյութը ոչ թե ՀՀԿ-ի խարանն է, այլ ամբողջ ժողովրդինը։ NEWS.am-ի հետ զրույցում պատգամավորն ասաց, թե այդ օրն առաջին անգամ է լսել, որ զինվորի հասանելիքն այլ նպատակով օգտագործվի։

«Դա մեր ամբողջ ժողովրդի ու բոլոր կուսակցությունների խարանն է, բոլորի համար անսպասելի երեւույթ է, ու պիտի սպասենք, տեսնենք իրավապահ համակարգն ինչ բնորոշում կտա։ Մանվել Գրիգորյանը, փաստորեն, հերոսի կոչում ուներ, եթե մարդը պատերազմի ժամանակ նման կոչում է ստացել ու ցանկացել է պատգամավոր դառնալ, ՀՀԿ ցուցակով  դարձել է պատգամավոր։ Մի մտածեք, որ այսօր Ձեզ հետ խոսում եմ ու վաղը Ձեր մեջ վատ բան տեսնեմ, ուրեմն՝ ես եմ մեղավոր, այդ Դուք եք մեղավոր»,- ասաց Գալուստ Սահակյանը՝ նշելով, որ իրեն վատ է զգացել այդ տեսանյութը դիտելիս։

«Կուսակցությունն ի՞նչ կապ ունի նման արարքների հետ։ Երբ ես լսեցի, մտածեցի՝ դա նորություն է, որ մարդիկ կարող են զինվորի հասանելիք կերակուրը տանեն՝ ինչ-որ բաների համար օգտագործեն։ Շատ միամիտ էի, շատ վատ զգացի»,- հայտարարեց Սահակյանը։

Նա ասաց նաեւ, որ Մանվել Գրիգորյանի եւ առանձին մարդկանց արարքը չի ստվերելու ՀՀԿ-ի հեղինակությունը։ Անկախ ամեն ինչից՝ մասնակցելու են հաջորդ ընտրություններին, եւ էական չէ, թե որքան քվե կստանան։

«Հանրապետականի էպոխան երբեք չի ավարտվի, ինչքան կա հայ ժողովուրդը, այնքան կլինի Հանրապետականը: Դրա համար հարկավոր է կարդալ մեր ծրագրերը, գաղափարախոսությունը, մերն այն միակ ծրագիրն է, որի ճանապարհով անցնելու է հայ ժողովուրդը»,- վստահեցրեց պատգամավորը։

Հիշեցնենք, որ Մանվել Գրիգորյանի տանն ԱԱԾ-ն հայտնաբերել էր ահռելի քանակությամբ անօրինական զենք-զինամթերք, ինչպես նաեւ ապրիլյան պատերազմի օրերին զինվորների համար դպրոցականների հանգանակած սնունդը եւ այլ պարագաներ։ Հայտնաբերվել էին նաեւ Սփյուռքից բանակի համար ուղարկված շտապ օգնության մեքենան եւ ամենագնացները։

Տպել
Կարդացեք նաև
Ամբողջը
Կիեւում ձերբակալվել են «օրենքով գողեր» Նոդարի Ասոյանը եւ «Պոլուզվերը»
Կիեւի ռեստորաններից մեկում ոստիկանները ձերբակալել են ազգությամբ եզդի «օրենքով գողի» եւ Ռուսաստանից «հանցավոր հեղինակության»…
ԴՆԹ թեսթը օգնել է բացահայտել 26 տարվա վաղեմության սպանությունը
Մեղադրական փաստաթղթի համաձայն, հանցանքի վայրում գտնված ԴՆԹ-ն պատկանում էր Սթիվեն Դաունսին․․․
Ամերիկացին խոստովանել է, որ մանկական պոռնոյի ավելի քան 50 000 տեսանյութ եւ լուսանկար է պահում
Այժմ նրան առնվազն 5 տարվա ազատազրկում է սպառնում․․․
Վերականգնվել է բացահայտված հանցագործություններով պետությանը պատճառված 27.8մլրդ դրամի վնաս
Բացահայտված ընդհանուր վնասից 2018թ. ընթացքում վերականգնվել է 27.775.221.334 ՀՀ դրամը, իսկ շուրջ 6.922.245.802 դրամի վնաս...
Մեքսիկական քաղաքում կես օրում 11 մարդու են սպանել
Բռնության ալիքն անցել է քաղաքի տարբեր շրջաններով եւ արվարձաններով…
Թալանել են «Նաիրի» բժշկական կենտրոնի գլխավոր բժշկի տունը
Ոստիկանությունն ու քննչական բաժինը ձեռնարկարում են անհրաժեշտ օպերատիվ-հետախուզական և քննչական համատեղ գործողություններ․․․
Ամենաշատ